Mose IV, 8:17 - BAIBLO ALOO NGMAMI KLƆUKLƆU Ɔ

¹⁷ Ligbi ɔ nɛ i kpata Egipt bi ɔmɛ a kekleekle bimɛ ɔmɛ tsuo a hɛ mi ɔ, i tsukɔ Israel bi ɔmɛ lɛɛ a bitɛte ɔmɛ, kɛ a lohwe ɔmɛ hu a kekleekle bi ɔmɛ a he, nɛ i kɛ mɛ pee imi nitsɛ ye níhi.

Mose IV, 8:17 ပူးပေါင်းရင်းမြစ်များ

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Luka 2:23

kaa bɔ nɛ a ngma ngɛ Nyɔmtsɛ ɔ mlaa a mi ke, “Binyumu tsuaa binyumu nɛ bliɔ muklii nya, kɛ lohwe ku tsuaa lohwe ku kekleekle nɔ́ nɛ a ma fɔ ɔ, a hla kɛ to ha Nyɔmtsɛ ɔ.”

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

Hebribi 11:28

Hemi kɛ yemi lɛ Mose kɛ to Hetsɔmi ɔ sisi, nɛ e fã Israel bi ɔmɛ ke a ngɔ muɔ kɛ fĩa a sinya tso ɔmɛ a he, bɔ nɛ pee nɛ bɔfo nɛ kpataa nɔ hɛ mi ɔ ko ba gbe Israel bi ɔmɛ a bitɛte ɔmɛ.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Yohane 17:19

A he ɔ, i peeɔ ye he klɔuklɔu, bɔ nɛ pee nɛ mɛ hu a pee mɛ klɔuklɔu ngɛ anɔkuale mi.

Yohane 10:36

Lɛɛ imi nɛ Tsɛ ɔ hla mi, nɛ e tsɔ mi je ɔ mi ɔ, kɛ peeɔ kɛɛ nɛ ke i de ke Mawu Bi ji mi nɛ́ nyɛ deɔ ke i bɔ musu ɔ?

Ezekiel 20:12

Lɔ ɔ se hu, i ngɔ ye Hejɔɔmi ligbi ɔmɛ ngɔ ha mɛ nɛ a ye mɛ klɔuklɔu, konɛ e pee somi nɛ ngɛ i kɛ mɛ wa kpɛti ɔ he okadi; nɛ a le kaa imi ji Yawɛ nɛ peeɔ mɛ klɔuklɔu ɔ nɛ.

La 135:8

Lɛ nɛ e gbe kekleekle bimɛ tsuo ngɛ Egipt, nimli adesahi a bimɛ, kɛ lohwehi a bimɛ.

La 105:36

Jehanɛ, e gbe bitɛtehi nɛ ji Egipt nyumuhi a kekleekle ngmɛduhi tsuo ngɛ zugba a nɔ.

La 78:51

E gbe bitɛtehi tsuo ngɛ we tsuaa we mi ngɛ Egipt zugba a nɔ.

Mose III, 27:26

Lohwe tsuaa lohwe ɔ, e kekleekle bi ɔ, e ji Yawɛ nɔ́ momo, lɔ ɔ he ɔ, nɔ ko kó ngɔ kɛ ba ha Yawɛ kaa bɔ nɛ je nɔ tsui mi faa, na jio, jijɔ jio.

Mose II, 29:44

Ma tsukɔ kpe he bo tsu ɔ, kɛ bɔ sami la tɛ ɔ he. Aaron kɛ e binyumu ɔmɛ hu ma tsukɔ a he, konɛ a sɔmɔ mi kaa osɔfohi.

Mose II, 12:29

Nyɔ mi kɔ̃kɔ̃ɔ̃kɔ̃ ɔ, Yawɛ gbe Egipt zugba a nɔ kekleekle binyumuhi tsuo, kɛ je Farao ɔ bitɛte ɔ nɛ maa ye tsɛ ngɛ sɛ ɔ nɔ ɔ nɔ kɛ ya si pã mi no bitɛte nɔ. We mi lohwehi hu Yawɛ gbe a kekleekle bihi tsuo.

Mose IV, 8:18

I hla Levi bi ɔmɛ ngɛ Israel bitɛtehi tsuo pɛpɛɛpɛ a nane mi.