Mose IV, 8:15 - BAIBLO ALOO NGMAMI KLƆUKLƆU Ɔ

¹⁵ Ke o tsukɔ Levi bi ɔmɛ a he, nɛ o hla mɛ ngɔ to ɔ, lɔ ɔ se loko a ma nyɛ maa ya kpe he bo tsu ɔ mi nɛ a ya sɔmɔ mi ngɛ lejɛ ɔ.

Mose IV, 8:15 ပူးပေါင်းရင်းမြစ်များ

Mose IV, 8:11

Kɛkɛ Aaron maa pee kusumi klɛdɛɛ ko kɛ tsɔɔ kaa a hla Levi bi ɔmɛ kɛ ha imi Yawɛ, kaa Israel ma mluku ɔ a nike ní klɛdɛɛ, konɛ a sɔmɔ mi.

Mose IV, 8:13

“Ngɔɔ Levi bi ɔmɛ ngɔ ha mi kaa nike ní klɛdɛɛ, konɛ a hi Aaron kɛ e bimɛ ɔmɛ a nine nɔ.

Mose IV, 3:12

“Jehanɛ, Levi bi ɔmɛ maa pee ye níhi. Benɛ i gbe Egipt bi ɔmɛ a bitɛte ɔmɛ tsuo ɔ, i tsukɔ Israel bi ɔmɛ a bitɛte tsuaa bitɛte, kɛ a lohwehi hu a kekleekle bihi a he kɛ pee ye níhi. Jehanɛ lɛɛ i hla Levi bi ɔmɛ kɛ to Israel bitɛte ɔmɛ a nane mi; a maa pee ye níhi. Imi ji Yawɛ.”

Mose II, 29:24

Ngɔɔ ní nɛ ɔmɛ tsuo ngɔ wo Aaron kɛ e binyumu ɔmɛ a dɛ, nɛ a fɔ ngɛ hiɔwe kɛ ya kɛ ba ngɛ ye hɛ mi kɛ tsɔɔ kaa a tsukɔ a he kɛ ha imi Yawɛ.

Mose IV, 8:16

I ngɔ mɛ ngɔ to bitɛtehi tsuo pɛpɛɛpɛ ngɛ Israel ɔ a nane mi; lɔ ɔ he ɔ, ye níhi ji mɛ.