Mose IV, 8:12 - BAIBLO ALOO NGMAMI KLƆUKLƆU Ɔ

¹² Enɛ ɔ se ɔ, Levi bi ɔmɛ maa ngɔ a nine kɛ pue na ku enyɔ ɔmɛ a yi mi. O kɛ kake maa sã yayami pami bɔ, nɛ o maa ngɔ kake hu kɛ sã sami bɔ, nɛ o kɛ kpata Yawɛ ha Levi bi ɔmɛ.

Mose IV, 8:12 ပူးပေါင်းရင်းမြစ်များ

Mose II, 29:10

“Ngɔɔ na ku ɔ kɛ ba kpe he bo tsu ɔ hɛ mi, konɛ Aaron kɛ e binyumu ɔmɛ nɛ a ngɔ a nine kɛ pue e yi mi.

Hebribi 9:22

Niinɛ, ngɛ mlaa a nya a, muɔ ji nɔ́ nɛ tsuɔ níhi tsuo a he; nɛ ke a pue we muɔ si ɔ, a kɛ yayami pɛ.

Mose III, 8:14

Jehanɛ, Mose ngɔ na ku ɔ nɛ a kɛ maa sã yayami pami bɔ ɔ kɛ ba, nɛ Aaron kɛ e binyumu ɔmɛ ngɔ a nine kɛ pue lohwe ɔ yi mi.

Mose III, 1:4

Nɔ ɔ nɛ ngɔ e nine ngɔ fɔ lohwe ɔ yi mi. A maa ngɔ ngɛ nɔ ɔ nane mi kaa bɔ nɛ e kɛ kpata Yawɛ.

Mose IV, 8:8

Jehanɛ, ha nɛ a ngɔ na niheyo kake, kɛ niye ní bɔ ɔ, nɛ ji mamu bukɔbukɔ nɛ a futu mi nu ɔ kɛ ba. Ngɔɔ na niheyo kpa nɛ o kɛ sã yayami pami bɔ.

Mose IV, 6:16

“Osɔfo ɔ nɛ ngɔ ní nɛ ɔmɛ tsuo kɛ ba Yawɛ hɛ mi, nɛ́ e sã yayami pami bɔ ɔ, kɛ sami bɔ ɔ.

Mose IV, 6:14

nɛ e ba sã bɔ ha Yawɛ ngɛ lejɛ ɔ. É ngɔ jijɔ ku kake nɛ ye jeha kake, nɛ kpa ko kpa ko be e he kɛ ba sã sami bɔ. É ngɔ jijɔ yo kake nɛ ye jeha kake, nɛ kpa ko kpa ko be e he kɛ ba sã yayami pami bɔ; nɛ e ngɔ agbosu kake hu nɛ kpa ko kpa ko be e he kɛ ba sã tue mi jɔmi bɔ.

Mose III, 16:21

É ngɔ e nine enyɔ ɔmɛ tsuo ngɔ pue akpakpo ɔ yi mi, nɛ e jaje kaa Israel bi ɔmɛ pee yayami, a tɔ mlaa, nɛ a gbo tue. Aaron nɛ ngɔ yayami nɛ ɔmɛ ngɔ pue akpakpo ɔ nɔ. Lɔ ɔ se ɔ, e ngɔ akpakpo ɔ kɛ ha nɔ ko nɛ a hla kɛ to, nɛ e fie lɛ kɛ ho nga nɔ ya, nɛ e ya ngmɛɛ e he ngɛ lejɛ ɔ.

Mose III, 16:11

Ke Aaron maa sã na ku ɔ kaa yayami pami bɔ kɛ ha lɛ nitsɛ e he kɛ e we ɔ,

Mose III, 16:6

É sã na ku ɔ kaa yayami pami bɔ kɛ ha lɛ nitsɛ e he, nɛ é kpata Yawɛ ha lɛ nitsɛ kɛ e we ɔ.

Mose III, 14:22

kɛ lahuɛ enyɔ, aloo beleku lahuɛ enyɔ. Kake maa pee yayami pami bɔ, nɛ kake hu maa pee sami bɔ.

Mose III, 9:7

Enɛ ɔ se ɔ, Mose de Aaron ke, “Yaa bɔ sami la tɛ ɔ he, nɛ o ya sã yayami pami bɔ, kɛ sami bɔ kɛ je o kɛ ma a tsuo nyɛ he yayami ɔmɛ. Sãã bɔ nɛ ɔ nɛ o kɛ je ma a he yayami ɔmɛ kaa bɔ nɛ Yawɛ fa a.”

Mose III, 8:34

Nɔ́ nɛ a pee mwɔnɛ nɛ ɔ, ja nɛ Yawɛ fa ke a pee, konɛ a kɛ je nyɛ he yayami.

Mose III, 8:18

Enɛ ɔ se ɔ, Mose ngɔ agbosu ɔ nɛ a kɛ maa sã sami bɔ ɔ kɛ ba, nɛ Aaron kɛ e binyumu ɔmɛ ngɔ a nine ngɔ pue lohwe ɔ yi mi.

Mose III, 5:7

Ke nɔ ko be nyɛe ma ha jijɔ ɔ, é ngɔ lahuɛ enyɔ, loo beleku lahuɛ enyɔ kɛ ba ha Yawɛ kaa e yayami nɛ e pee ɔ he bɔ. Á ngɔ kake kɛ pee yayami pami bɔ, nɛ enyɔne ɔ, a kɛ pee sami bɔ.

Mose III, 4:35

É je e zɔ ɔ tsuo kaa bɔ nɛ a jeɔ zɔ ngɛ jijɔ nɛ a gbee kɛ sãã tue mi jɔmi bɔ he ɔ. Lɔ ɔ se ɔ, osɔfo ɔ nɛ sã zɔ ɔ kɛ piɛ bɔ nɛ a kɛ la sãã ha Yawɛ ngɛ bɔ sami la tɛ ɔ nɔ ɔ he. Bɔ nɛ osɔfo ɔ maa pee kɛ kpata Mawu ha nɔ ɔ, konɛ a kɛ e he yayami nɛ pa lɛ ji nɛ ɔ nɛ.

Mose III, 4:20

É pee na ku nɛ ɔ kaa bɔ nɛ e pee nɔ́ nɛ a kɛ ba sã yayami pami bɔ ɔ pɛpɛɛpɛ. Bɔ nɛ osɔfo ɔ maa pee nɛ e kɛ kpata Mawu ha ma a, nɛ a kɛ a he yayami maa pa mɛ ji nɛ ɔ nɛ.

Mose III, 4:4

É ngɔ na ku ɔ kɛ ba kpe he bo tsu ɔ sinya a nya, nɛ e ngɔ e nine ngɔ fɔ lohwe ɔ yi mi, nɛ e gbe lɛ ngɛ lejɛ ɔ ngɛ Yawɛ hɛ mi.

Mose III, 4:15

Ma nimeli ɔmɛ nɛ á ngɔ a nine ngɔ pue lohwe ɔ yi mi, nɛ á gbe lɛ ngɛ lejɛ ɔ ngɛ Yawɛ hɛ mi.

Mose IV, 8:13

“Ngɔɔ Levi bi ɔmɛ ngɔ ha mi kaa nike ní klɛdɛɛ, konɛ a hi Aaron kɛ e bimɛ ɔmɛ a nine nɔ.

Mose III, 8:15

Mose gbe lohwe ɔ, nɛ e ngɔ e nine nguɛ kɛ sɔ muɔ ɔ mi, nɛ e kɛ kpa bɔ sami la tɛ ɔ koli ɔmɛ a he. Kɛkɛ nɛ e tsɛ̃ muɔ ɔ kɛ pue bɔ sami la tɛ ɔ sisi. Blɔ nɔ nɛ a gu kɛ tsukɔ bɔ sami la tɛ ɔ he ji nɛ ɔ nɛ.