Mose IV, 8:11 - BAIBLO ALOO NGMAMI KLƆUKLƆU Ɔ

¹¹ Kɛkɛ Aaron maa pee kusumi klɛdɛɛ ko kɛ tsɔɔ kaa a hla Levi bi ɔmɛ kɛ ha imi Yawɛ, kaa Israel ma mluku ɔ a nike ní klɛdɛɛ, konɛ a sɔmɔ mi.

Mose IV, 8:11 ပူးပေါင်းရင်းမြစ်များ

Mose III, 7:30

Lɛ nitsɛ e hɛɛ ngɛ e dɛ mi kɛ ba kaa bɔ nɛ a kɛ la sãã kɛ ha Yawɛ. É ngɔ zɔ ɔ kɛ piɛ lohwe ɔ gugue ɔ he kɛ ba kaa bɔ nɛ á fɔɔ kɛ yaa kɛ baa ngɛ Yawɛ hɛ mi.

Mose IV, 6:20

Nyagbe ɔ, osɔfo ɔ nɛ fɔ ní ɔmɛ kɛ ya kɛ ba ngɛ Yawɛ hɛ mi kaa bɔ nɛ a fɔɔ kɛ yaa kɛ baa. Mlaa nya a, ní nɛ ɔmɛ, kɛ agbosu ɔ gugue, kɛ fiɔ ɔ peeɔ osɔfo ɔ nike ní klɔuklɔu. Enɛ ɔ se ɔ, Nazir no ɔ ngɛ he blɔ nɛ e nuɔ dã faa.

Mose III, 8:29

Mose wo agbosu ɔ gugue ɔ nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi. Kaa bɔ nɛ Yawɛ fa Mose ɔ, ke a gbe agbosu kɛ pee kusumi kɛ wo osɔfo ɔ, Mose lɛɛ e blɔ fa mi nɔ́ ji nɛ ɔ nɛ.

Mose III, 8:27

E ngɔ ní nɛ ɔmɛ tsuo ngɔ wo Aaron kɛ e binyumu ɔmɛ a dɛ mi, nɛ a wo nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi.

Mose II, 29:24

Ngɔɔ ní nɛ ɔmɛ tsuo ngɔ wo Aaron kɛ e binyumu ɔmɛ a dɛ, nɛ a fɔ ngɛ hiɔwe kɛ ya kɛ ba ngɛ ye hɛ mi kɛ tsɔɔ kaa a tsukɔ a he kɛ ha imi Yawɛ.

Mose III, 7:34

Lohwe ɔ gugue, kɛ e hiɔ nɔ fiɔ ji nike ní pɔtɛɛ nɛ Yawɛ he ngɛ Israel bi ɔmɛ a dɛ kɛ ha osɔfo ɔmɛ. Nike ní nɛ ɔ ji nɔ́ nɛ sa nɛ Israel bi ɔmɛ nɛ ha osɔfo ɔmɛ be tsuaa be.

Mose V, 10:8

Benɛ a ngɛ yoku ɔ he ɔ, Yawɛ hla Levi wɛtso ɔ mi nyumuhi, konɛ a hyɛ somi daka a nɔ, nɛ a sɔmɔ kaa osɔfohi, nɛ́ a ngɔ Yawɛ biɛ kɛ gbaa ma a. A blɔ nya ní tsumihi ji enɛ ɔmɛ kɛ mwɔɔ.