Mose IV, 7:10 - BAIBLO ALOO NGMAMI KLƆUKLƆU Ɔ

¹⁰ Ligbi ɔ nɛ a pɔ bɔ sami la tɛ ɔ nu, nɛ a tsukɔ he ɔ, ma nimeli ɔmɛ ngɔ nike ní kɛ ba bɔ sami la tɛ ɔ hɛ mi ekohu.

Mose IV, 7:10 ပူးပေါင်းရင်းမြစ်များ

Kronika II, 7:5

Salomo ngɔ ní nɛ ɔmɛ kɛ sã bɔ: na akpe nyingmi enyɔ kɛ enyɔ, kɛ to akpe lafa kɛ nyingmi enyɔ. Kusumi nɛ matsɛ ɔ, kɛ ma a tsuo pee kɛ bli Mawu we ɔ nya ji nɛ ɔ nɛ.

Kronika II, 7:9

A ye ligbi kpaago kɛ tsukɔ bɔ sami la tɛ ɔ he, nɛ Gbasisihimi nyami be ɔ hu a ye ligbi kpaago. Nyagbe ligbi ɔ, a bɔ gua klɛdɛɛ ko, nɛ a kɛ mu nyami be ɔ nya.

Nehemia 12:27

Benɛ a maa julaa Yerusalem gbogbo ɔ, a ya kpee Levi bi ɔmɛ kɛ je hehi tsuo nɛ a ngɛ ɔ kɛ ba. A ba piɛ Yerusalem ma mi bi ɔmɛ a he, nɛ a fia gɔgɔ, kɛ saku, nɛ a la sina lahi nɛ a kɛ ye nyami ligbi ɔ.

Nehemia 12:43

A sã bɔhi babauu jamɛ a ligbi ɔ, nɛ ma a nyá saminya; ejakaa Mawu ha nɛ a bua jɔ wawɛɛ nitsɛ. Yi ɔmɛ, kɛ jokuɛwi ɔmɛ hu piɛ he kɛ ye nyami ligbi ɔ; nɛ a nu ngmlaa a he ngɛ se lokoo.

La 30:1

Ma je o yi Yawɛ, ejakaa o he ye yi wami. O ha we nɛ ye he nyɛli nɛ nya; o ngmɛ́ mɛ blɔ nɛ a ye ye he fɛu.

Mose IV, 7:1

Ligbi ɔ nɛ Mose gbe kpe he ɔ mami nya a, e pɔ kpe he ɔ nu, nɛ e tsukɔ he kɛ e he ní ɔmɛ tsuo, kɛ bɔ sami la tɛ ɔ kɛ e he ní ɔmɛ tsuo.

Mose IV, 7:11

Yawɛ de Mose ke, “Ha nɛ ma nimeli ɔmɛ nɛ a ngɔ a nike ní ɔmɛ kɛ ba kakaaka, nɛ a kɛ tsukɔ bɔ sami la tɛ ɔ he. Daa ligbi ɔ, nɔ kake nɛ ngɔ e nɔ́ kɛ ba.”

Mose IV, 7:84

Ligbi ɔ nɛ a pɔ bɔ sami la tɛ ɔ nu ɔ, nike ní nɛ Israel wɛtso nikɔtɔma amɛ ngɔ kɛ ba a tsuo pɛpɛɛpɛ a hiɛmi ji nɛ ɔmɛ nɛ: - Sika hiɔ plɛɛte nyɔngma kɛ enyɔ, kɛ sika hiɔ kã nyɔngma kɛ enyɔ nɛ a jiimi ji kilo nyingmi enyɔ kɛ kpaago kɛ se. - Sika tsu kã nyɔngma kɛ enyɔ ɔmɛ nɛ tsopa kɛ e he via hyi mɛ tɔ ɔ tsuo a jiimi ji kilo kɛ se. - Na ku nyɔngma kɛ enyɔ, agbosu nyɔngma kɛ enyɔ, jijɔ ku nyɔngma kɛ enyɔ nɛ a ye jeha kakaaka, kɛ niye ní bɔ ɔ nɛ piɛ he nɛ a kɛ maa sã sami bɔ ɔ. - Akpakpo nyɔngma kɛ enyɔ nɛ a kɛ maa sã yayami pami bɔ ɔ. - Na ku nyingmi enyɔ kɛ eywiɛ, agbosu nyingmi ekpa, akpakpo nyingmi ekpa, kɛ jijɔ ku nyingmi ekpa nɛ a ye jeha kakaaka nɛ a kɛ maa sã tue mi jɔmi bɔ ɔ.

Mose V, 20:5

“Lɔ ɔ se ɔ, asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ po we he, se e gbaa we nɔ lolo kɛ ha Yawɛ lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, ke e ba mi kaa e ya nɔ ta a, nɔ kpa ma ba gbaa we ɔ nɔ.