Mose IV, 7:1 - BAIBLO ALOO NGMAMI KLƆUKLƆU Ɔ

¹ Ligbi ɔ nɛ Mose gbe kpe he ɔ mami nya a, e pɔ kpe he ɔ nu, nɛ e tsukɔ he kɛ e he ní ɔmɛ tsuo, kɛ bɔ sami la tɛ ɔ kɛ e he ní ɔmɛ tsuo.

Mose IV, 7:1 ပူးပေါင်းရင်းမြစ်များ

Mose I, 2:3

E gbaa ligbi nɛ ji kpaago ɔ, nɛ e pee lɛ ligbi klɔuklɔu; jamɛ a ligbi ɔ nɛ e bɔ je ɔ gbe nya, nɛ e jɔɔ e he, ejakaa ní tsumi nɛ e tsu kɛ bɔ je ɔ, e gbe nya.

Matsɛmɛ I, 8:64

Jamɛ a ligbi ɔ nɔuu ɔ, Salomo pee kue ɔ nɛ ngɛ Yawɛ we kpɛti ɔ klɔuklɔu, nɛ e sã sami bɔ, kɛ niye ní bɔ ngɛ lejɛ ɔ; e ngɔ lohwe ɔmɛ a zɔ ɔ hu kɛ sã tue mi jɔmi bɔ. E pee nɔ́ nɛ ɔ, ejakaa akɔblee bɔ sami la tɛ ɔ klee we bɔ nɛ a ma nyɛ sã bɔ nɛ ɔmɛ tsuo ngɛ nɔ.

Mose II, 13:2

“Moo ngɔ kekleekle binyumu ɔmɛ tsuo ngɔ to ha mi. Binyumu tsuaa binyumu nɛ bliɔ fɔmi nya ngɛ Israel bi ɔmɛ a kpɛti ɔ, nɔmlɔ bi jio, lohwe bi jio, ye nɔ ji lɛ.”

Mose II, 29:36

Daa ligbi ɔ, o maa ngɔ na ku kake kɛ sã bɔ kɛ ha yayami pami. Enɛ ɔ maa tsukɔ bɔ sami la tɛ ɔ he, nɛ́ e pee klɔuklɔu.

Mose II, 40:11

Nyu kã a kɛ e sisi kla a hu o pɔ mɛ nu nɛ o kɛ tsukɔ a he ja nɔuu.

Mose IV, 17:2

“De Israel bi ɔmɛ nɛ a kɛ dɛma tso nyɔngma kɛ enyɔ nɛ ba; wɛtsoyi tsuaa wɛtsoyi nɛ ngɔ dɛma tso kake kɛ ba. Ngmaa nɔ tsuaa nɔ biɛ ngɛ e tso he.

Mose IV, 7:10

Ligbi ɔ nɛ a pɔ bɔ sami la tɛ ɔ nu, nɛ a tsukɔ he ɔ, ma nimeli ɔmɛ ngɔ nike ní kɛ ba bɔ sami la tɛ ɔ hɛ mi ekohu.

Mose IV, 7:84

Ligbi ɔ nɛ a pɔ bɔ sami la tɛ ɔ nu ɔ, nike ní nɛ Israel wɛtso nikɔtɔma amɛ ngɔ kɛ ba a tsuo pɛpɛɛpɛ a hiɛmi ji nɛ ɔmɛ nɛ: - Sika hiɔ plɛɛte nyɔngma kɛ enyɔ, kɛ sika hiɔ kã nyɔngma kɛ enyɔ nɛ a jiimi ji kilo nyingmi enyɔ kɛ kpaago kɛ se. - Sika tsu kã nyɔngma kɛ enyɔ ɔmɛ nɛ tsopa kɛ e he via hyi mɛ tɔ ɔ tsuo a jiimi ji kilo kɛ se. - Na ku nyɔngma kɛ enyɔ, agbosu nyɔngma kɛ enyɔ, jijɔ ku nyɔngma kɛ enyɔ nɛ a ye jeha kakaaka, kɛ niye ní bɔ ɔ nɛ piɛ he nɛ a kɛ maa sã sami bɔ ɔ. - Akpakpo nyɔngma kɛ enyɔ nɛ a kɛ maa sã yayami pami bɔ ɔ. - Na ku nyingmi enyɔ kɛ eywiɛ, agbosu nyingmi ekpa, akpakpo nyingmi ekpa, kɛ jijɔ ku nyingmi ekpa nɛ a ye jeha kakaaka nɛ a kɛ maa sã tue mi jɔmi bɔ ɔ.

Mateo 23:19

Hɛ yuyuili! Te nɔ́ nɛ he jua wa nɛɛ? Nike ní ɔ, aloo bɔ sami la tɛ ɔ nɛ haa nike ní ɔ peeɔ klɔuklɔu ɔ?