Mose IV, 6:5 - BAIBLO ALOO NGMAMI KLƆUKLƆU Ɔ

⁵ “Ligbi abɔ nɛ e ngɛ Nazir no si womi nɛ ɔ sisi ɔ, e ko sã e yi nɔ. E ngmɛɛ e yi bwɔmi he nɛ e ka gagaaga; nɛ e pee e he klɔuklɔu.

Mose IV, 6:5 ပူးပေါင်းရင်းမြစ်များ

Ezekiel 44:20

“Osɔfo ɔmɛ ko sã a yi nɔ kpalokpalo, nɛ a ko ngmɛɛ a yi bwɔmi he nɛ e ka gagaa hulɔ. A dla a yi ɔ he bɔ nɛ sa kɛkɛ.

Mose IV, 6:4

Ligbi abɔ nɛ Nazir no ji lɛ ɔ, e ko ye nɔ́ ko nɛ a kɛ wai tso he nɔ́ ko pee; wai tso yiblii ɔ mi wu ɔ jio, e he toto jio, e ko ye.

Ni Tsumi 18:18

Paulo kɛ nyɛmimɛ ɔmɛ hi si ngɛ Korinto be saii. Lɔ ɔ se ɔ, e kɛ mɛ ye sɛ, nɛ e ngɔ Priskila, kɛ Akuila kɛ piɛ e he, nɛ a ya wó lɛ kɛ ba Siria. Loko lɛ ɔ maa hia ngɛ Kenkrea a, Paulo ha a sɛ e yi ha lɛ, ejakaa be ko ɔ, e wo Mawu si ko.

Manyadali 13:5

Ke o fɔ binyumuyo nɛ ɔ, asoyi kó ya e yi mi; ejakaa kɛ je e fɔmi be ɔ, a maa tsukɔ e he kɛ ha Mawu, nɛ e maa hi si kaa Nazir no. Israel kpɔmi kɛ je Filisti bi ɔmɛ a dɛ mi ɔ, lɛ nɛ e ma ba je sisi.”

Manyadali 16:17

Nyagbenyagbe ɔ, e gba Delila e laami sane ɔmɛ tsuo. E de lɛ ke, “Kɛ je benɛ i ngɛ ye nyɛ mi mi lokoo ɔ, a tsukɔ ye he ngɔ ha Mawu kaa Nazir no; lɔ ɔ he ɔ, asoyi nya yɛ ye yi mi hyɛ. Ke a sã ye yi nɔ pɛ ye he wami ɔ maa je ye mi. Kɛkɛ ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Manyadali 16:19

Delila fiɛ Samson he kɛ ya si e hwɔ mahe ngɛ e tɛ nɔ. Benɛ Samson hwɔ mahe ɔ, Delila tsɛ nyumu ko nɛ e ba sã Samson yi bwɔmi kuukuu kpaago ɔmɛ. Lɔ ɔ se ɔ, Delila bɔni lɛ kongomi, ejakaa Samson he wami ɔ si lɛ.

Samuel I, 1:11

Hana wo si nɛ e de ke, “Yawɛ Ope, ke o maa hyɛ o mawayo haomi, nɛ o ma kai mi, nɛ o hɛ be ye nɔ jee, nɛ o ma ha o mawayo binyumu ɔ, i kɛ lɛ ma ha mo e wami ligbi tsuo, nɛ asoyi nya be e yi he sae.”