Mose IV, 6:3 - BAIBLO ALOO NGMAMI KLƆUKLƆU Ɔ

³ e yu e he kɛ je wai, kɛ dã nɛ nya wa a he. E ko nu wai, aloo dã kpa ko nɛ kuã. E ko nu nɔ́ ko nɛ a kɛ wai yiblii pee; wai yiblii mumu, loo gbigbli hu e ko ye.

Mose IV, 6:3 ပူးပေါင်းရင်းမြစ်များ

Mose III, 10:9

“O kɛ o binyumu ɔmɛ nyɛ ti nɔ ko nɔ ko kó nu wai, loo dã nɛ nya wa kɛ ya kpe he bo tsu ɔ mi. Ke nyɛ pee ja a, nyɛ ma gbo. Enɛ ɔ maa pee mlaa nɛ fɔɔ si ha nyɛ kɛ yaa neneene.

Amos 2:11

I hla nyɛ binyumu ɔmɛ ekomɛ nɛ i pee mɛ gbali. I pee nyɛ nihewi ɔmɛ ekomɛ Nazir bi.

Amos 2:12

Se nyɛ ha nɛ Nazir bi ɔmɛ nu dã, nɛ a puɛ kɔ; gbali ɔmɛ hu, nyɛ wo mɛ mlaa ke a ko de ye sɛ gbi ɔ. Ye ma Israel, anɛ nɔ́ nɛ ɔ be mi lo? Imi Yawɛ lɛ i ngɛ nyɛ bie!

Mose IV, 6:4

Ligbi abɔ nɛ Nazir no ji lɛ ɔ, e ko ye nɔ́ ko nɛ a kɛ wai tso he nɔ́ ko pee; wai tso yiblii ɔ mi wu ɔ jio, e he toto jio, e ko ye.

Luka 1:15

E ma ba pee nɔmlɔ nguaa ngɛ Nyɔmtsɛ ɔ hɛ mi. E be wai, loo dã nɛ nya wa nue. Ke a fɔ lɛ pɛ Mumi Klɔuklɔu ɔ maa ba e nɔ,

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

1 Tesalonikabi 5:22

se nɔ́ tsuaa nɔ́ nɛ ji yayami ɔ lɛɛ nyɛɛ hɛ nyɛ kɛ je he.

1 Timoteo 5:23

Akɛnɛ o muklii mi haoɔ mo, nɛ o pɔɔ hiɔ numi kpitikpiti he je ɔ, koo nu nyu sɔuu hu, se mohu nuu wai bɔɔ.

Hebribi 9:10

ejakaa niye ní, kɛ dã, kɛ he tsumi kusumihi pɛ a he nɛ e kɔɔ. Enɛ ɔmɛ tsuo ɔ, he lo blɔ fa mi níhi nɛ maa hi si kɛ yaa si be nɛ Mawu maa pee níhi tsuo ehe kɛkɛ.

Manyadali 13:14

Nɔ́ tsuaa nɔ́ nɛ jeɔ wai tso mi ɔ, e ko ye eko kɔkɔɔkɔ. Jehanɛ, e ko nu wai, loo dã nɛ nya wa; nɛ e ko ye nɔ́ ko nɛ he tsɔ we hulɔ. Mlaa amɛ nɛ i wo lɛ ɔ, e ye kulaa nɔ.”

Manyadali 13:4

Lɔ ɔ he ɔ, hyɛ o he nɔ saminya. Koo nu wai, loo dã nɛ nya wa; nɛ koo ye nɔ́ ko nɛ he tsɔ we hulɔ.