Mose IV, 6:27 - BAIBLO ALOO NGMAMI KLƆUKLƆU Ɔ

²⁷ “Ke a tsɛ ye biɛ ngɔ pue Israel ma a nɔ kikɛ nɛ ɔ, ma gbaa mɛ.”

Mose IV, 6:27 ပူးပေါင်းရင်းမြစ်များ

Kronika II, 7:14

nɛ a pia a he, nɛ a fa kue ha mi, nɛ a kpa yayami ɔ nɛ a ngɛ pee ɔ, ma nu a kue fami ɔ ngɛ hiɔwe. Kɛkɛ ɔ, ma ngɔ a yayami ɔmɛ ngɔ pa mɛ, nɛ ma ha kplɔkɔtɔ maa ba a zugba a nɔ ekohu.

Mose V, 28:10

Lɔ ɔ loko je ma amɛ tsuo maa na kaa Yawɛ hla nyɛ nɛ nyɛɛ pee lɛ nitsɛ e ma, nɛ a maa ye nyɛ gbeye.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Yeremia 14:9

Mɛni he je o pee kaa nyumu nɛ nɔ́ ko ti lɛ si tlukaa, loo katsɛ nɛ nyɛ we nɔ yi wami nɛ e he ɔ? Yawɛ, niinɛ o kɛ wɔ ngɛ! O ma ji wɔ; ko kua wɔ.’ ”

Yesaya 43:7

Imi nitsɛ ye ma ji mɛ; nɛ i bɔ mɛ, konɛ a wo ye hɛ mi nyami.’ ”

La 5:12

Yawɛ, o gbaa nihi nɛ peeɔ nɔ́ nɛ da, nɛ o kɛ o suɔmi ɔ buu a he kaa tsɛ̃i.

Kronika I, 4:10

Se Yabez fa kue ha Israel Mawu ɔ ke, “Mawu, i kpa mo pɛɛ nɛ o gbaa mi, nɛ o ha mi zugba nɛ kle. O kɛ mi nɛ hi si, nɛ o je ní yayamihi nɛ maa pee haomi kɛ je ye blɔ mi.” Nɛ Mawu ha lɛ nɔ́ nɛ e bi lɛ ɔ.

Mose I, 32:29

Yakob de nyumu ɔ ke, “Jehanɛ lɛɛ moo tsɔɔ mi o biɛ.” Se nyumu ɔ bi lɛ ke, “Mɛni he je o ngɛ hlae nɛ o le ye biɛ ɔ? Kɛkɛ nɛ e gbaa Yakob.”

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

La 67:7

Mawu gbaa wɔ; je ɔ tsuo nɛ a ye lɛ gbeye!

Mose IV, 23:20

Hyɛ, gbaami a fa mi ke ma ba gbaa. Lɛɛ e gbaa momo; imi lɛɛ i be nyɛe ma kpale se.

Mose I, 32:26

Nyumu ɔ de Yakob ke, “Ngmɛɛ ye he nɛ ma ho; je ngɛ mi nae!” Yakob he nɔ ke, “I be hae nɛ o ya, ja o gbaa mi lolo!”

Samuel II, 7:23

Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

Mose II, 6:3

I je ye he kpo tsɔɔ Abraham, Isak, kɛ Yakob kaa Mawu Ope; se ye biɛ Yawɛ ɔ lɛɛ i ha we nɛ a le.