Mose IV, 6:20 - BAIBLO ALOO NGMAMI KLƆUKLƆU Ɔ

²⁰ Nyagbe ɔ, osɔfo ɔ nɛ fɔ ní ɔmɛ kɛ ya kɛ ba ngɛ Yawɛ hɛ mi kaa bɔ nɛ a fɔɔ kɛ yaa kɛ baa. Mlaa nya a, ní nɛ ɔmɛ, kɛ agbosu ɔ gugue, kɛ fiɔ ɔ peeɔ osɔfo ɔ nike ní klɔuklɔu. Enɛ ɔ se ɔ, Nazir no ɔ ngɛ he blɔ nɛ e nuɔ dã faa.

Mose IV, 6:20 ပူးပေါင်းရင်းမြစ်များ

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Mose IV, 5:25

Se loko osɔfo ɔ maa pee nɔ́ nɛ ɔ, e he ngma niye ní bɔ ɔ, nɛ ji hunga bɔ ɔ ngɛ yo ɔ dɛ. E fɔ̃ ngma niye ní bɔ ɔ kɛ ya kɛ ba ngɛ Yawɛ hɛ mi. Lɔ ɔ se ɔ, e ngɔ kɛ ba bɔ sami la tɛ ɔ he.

Yohane 19:30

Benɛ Yesu he dã nɛ kuã a, e de ke, “A gbe nya!” Kɛkɛ nɛ e ma e yi si, nɛ e ngɔ e nya.

Marko 14:25

I ngɛ nyɛ dee anɔkuale mi ke, i be wai nue hu kɛ yaa su ligbi nɛ ma nu lɛ ehe ngɛ Mawu matsɛ yemi ɔ mi.”

Mateo 26:29

I ngɛ nyɛ dee ke, i be wai nɛ ɔ nue hu gblegbleegble kɛ yaa si ligbi ɔ nɛ i kɛ nyɛ maa nu wai he ɔ ngɛ Tsaatsɛ matsɛ yemi ɔ mi.”

Zakaria 10:7

Israel bi a he maa wa kaa ta buli, a bua maa jɔ kaa nihi nɛ ngɛ wai nue. A nina maa na nɔ́ nɛ ɔ, nɛ a ma nya nɔ́ nɛ imi Yawɛ, i pee ha mɛ ɔ he.

Zakaria 9:17

E dɛ mi nɛ kpakpa kɛ afɛu tsuo je; nihewi a blɛfo maa ba saminya; yihewi maa nga wai he bɔ nɛ sa, nɛ mɛ tsuo a ma plɔke.

Zakaria 9:15

Yawɛ Tabohiatsɛ ɔ maa bu e ma a he, a maa naa amlami fɔli ɔmɛ a nɔ, nɛ a ma kpata a hɛ mi. Muɔ ma pue si kaa wai nɛ hyi kplu. A ma pue a he nyɛli a muɔ si basaa kaa bɔ nɛ a kpaa muɔ kɛ pueɔ bɔ sami la tɛ nɔ ɔ.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 25:6

Yawɛ maa ngmɛ okplɔɔ ngɛ yo nɛ ɔ nɔ ha je ma amɛ tsuo. A maa ye ní kpakpa: lo nɛ tu zɔ saminya, kɛ zɔ nɛ a je kɛ je wu mi tɔɔ; nɛ a maa nu wai kpakpa.

Mose IV, 18:18

A lo ɔ maa pee o nɔ, kaa bɔ nɛ bɔ nɛ a fɔɔ kɛ yaa kɛ baa a gugue ɔ, kɛ e hiɔ fiɔ ɔ peeɔ o nɔ ɔ.

Mose III, 23:11

Hejɔɔmi ligbi ɔ nɔ jena a, osɔfo ɔ nɛ ngɔ kɛ ba Yawɛ hɛ mi kaa bɔ nɛ a fɔɔ kɛ yaa kɛ baa, konɛ Mawu nɛ he nyɛ sina a.

Mose III, 10:15

Fiɔ ɔ, kɛ gugue ɔ nɛ a fɔɔ kɛ yaa kɛ baa ngɛ Yawɛ hɛ mi ɔ, á ngɔ kɛ piɛ zɔ ɔ nɛ a kɛ la sãã a he kɛ ba kaa bɔ nɛ a fɔɔ kɛ yaa kɛ baa ngɛ Yawɛ hɛ mi. Fiɔ ɔ, kɛ gugue ɔ maa pee o kɛ o binyumu ɔmɛ nyɛ nɔ́ kɛ yaa neneene kaa bɔ nɛ Yawɛ fa a.”

Mose III, 9:21

Kaa bɔ nɛ Mose fa ke a pee ɔ, gugue ɔmɛ, kɛ hiɔ nɔ fiɔ ɔ lɛɛ Aaron wo a nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi.

Mose III, 7:34

Lohwe ɔ gugue, kɛ e hiɔ nɔ fiɔ ji nike ní pɔtɛɛ nɛ Yawɛ he ngɛ Israel bi ɔmɛ a dɛ kɛ ha osɔfo ɔmɛ. Nike ní nɛ ɔ ji nɔ́ nɛ sa nɛ Israel bi ɔmɛ nɛ ha osɔfo ɔmɛ be tsuaa be.

Mose III, 7:31

Osɔfo ɔ nɛ sã zɔ ɔ tsuo ngɛ bɔ sami la tɛ ɔ nɔ, se gugue ɔ lɛɛ, e maa pee Aaron, kɛ e bimɛ ɔmɛ a nɔ́.

Mose III, 7:30

Lɛ nitsɛ e hɛɛ ngɛ e dɛ mi kɛ ba kaa bɔ nɛ a kɛ la sãã kɛ ha Yawɛ. É ngɔ zɔ ɔ kɛ piɛ lohwe ɔ gugue ɔ he kɛ ba kaa bɔ nɛ á fɔɔ kɛ yaa kɛ baa ngɛ Yawɛ hɛ mi.

Mose III, 7:32

Á ngɔ lohwe ɔ hiɔ fiɔ ɔ kɛ ha osɔfo ɔ nɛ ngɔ muɔ kɛ zɔ ɔ kɛ sã tue mi jɔmi bɔ ɔ kaa nike ní pɔtɛɛ ko. E blɔ nya nɔ́ ji nɛ ɔ nɛ.

Mose IV, 6:21

“Mlaahi nɛ ngɛ kɛ ha Nazir no nɛ wo Yawɛ si ji nɛ ɔmɛ nɛ. Bɔ hu nɛ e maa sã ha Yawɛ ngɛ e Nazir no peemi si womi ɔ nya a ji nɛ ɔ nɛ; slo nɔ́ nɛ e ma nyɛ ha ngɛ enɛ ɔ se. Ke Nazir no ko wo si ɔ, e pee ja pɛpɛɛpɛ ngɛ mlaa a nya, be mi nɛ e ngɔ e he ngɔ ha Yawɛ.”