Mose IV, 6:2 - BAIBLO ALOO NGMAMI KLƆUKLƆU Ɔ

² “Mo de Israel bi ɔmɛ ke, ke nyumu ko, loo yo ko je blɔ ka Nazir no peemi kita, nɛ e wo si kaa e maa ngɔ e he ngɔ ha Yawɛ ɔ,

Mose IV, 6:2 ပူးပေါင်းရင်းမြစ်များ

Manyadali 13:5

Ke o fɔ binyumuyo nɛ ɔ, asoyi kó ya e yi mi; ejakaa kɛ je e fɔmi be ɔ, a maa tsukɔ e he kɛ ha Mawu, nɛ e maa hi si kaa Nazir no. Israel kpɔmi kɛ je Filisti bi ɔmɛ a dɛ mi ɔ, lɛ nɛ e ma ba je sisi.”

Romabi 1:1

Imi Paulo, Yesu Kristo tsɔlɔ kɛ bɔfo nɛ Mawu hla nɛ e tsɔ ke ma ya fiɛ sane kpakpa a nɛ i ngɛ womi nɛ ɔ ngmae.

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

Galatabi 1:15

Se, mamoo benɛ a na we nɛ a fɔ mi ɔ, jamɛ a be ɔ mi tɔɔ nɛ Mawu gu e dloomi ɔ nɔ nɛ e hla mi. Nɛ benɛ e to e yi mi kaa

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Luka 1:15

E ma ba pee nɔmlɔ nguaa ngɛ Nyɔmtsɛ ɔ hɛ mi. E be wai, loo dã nɛ nya wa nue. Ke a fɔ lɛ pɛ Mumi Klɔuklɔu ɔ maa ba e nɔ,

Abɛ Womi 18:1

Nihi nɛ suɔ mɛ nitsɛmɛ a he ɔ, a kɛ nɔ kpa pee we nɔ́ ko. Nɔ́ ko nɛ nihi tsuo le kaa e hi ɔ, mɛɛ lɛɛ a deɔ ke e hí.

Samuel I, 1:28

Lɔ ɔ he ɔ, imi hu i ngɔ lɛ ba ha Yawɛ. E maa pee Yawɛ nɔ́ e wami ligbi ɔmɛ tsuo.” Kɛkɛ nɛ a ja Yawɛ ngɛ lejɛ ɔ.

Manyadali 16:17

Nyagbenyagbe ɔ, e gba Delila e laami sane ɔmɛ tsuo. E de lɛ ke, “Kɛ je benɛ i ngɛ ye nyɛ mi mi lokoo ɔ, a tsukɔ ye he ngɔ ha Mawu kaa Nazir no; lɔ ɔ he ɔ, asoyi nya yɛ ye yi mi hyɛ. Ke a sã ye yi nɔ pɛ ye he wami ɔ maa je ye mi. Kɛkɛ ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Mose III, 27:2

e de Israel bi ɔmɛ ke, ke nɔ ko wo si kaa e maa ngɔ nɔ ko ngɔ ha Yawɛ ɔ, blɔ nɔ nɛ a maa gu kɛ kpɔ nɔ ɔ ji nɛ ɔ nɛ.

Mose III, 20:26

Nyɛɛ pee nyɛ he klɔuklɔu, ejakaa imi Yawɛ ɔ, i ngɛ klɔuklɔu. I hla nyɛ kɛ je je ma amɛ a kpɛti, konɛ nyɛɛ pee ye ma.

Mose II, 33:16

Ke o kɛ wɔ yɛ ɔ nɛɛ, kɛ a maa pee kɛ na kaa o ngɛ i kɛ o ma a wa he suɔmi kɛɛ? Ke o kɛ wɔ nyɛɛ ɔ, lɔ ɔ loko i kɛ o ma a maa je muno ngɛ zugba a nɔ je ma amɛ tsuo a he.”

Ni Tsumi 18:18

Paulo kɛ nyɛmimɛ ɔmɛ hi si ngɛ Korinto be saii. Lɔ ɔ se ɔ, e kɛ mɛ ye sɛ, nɛ e ngɔ Priskila, kɛ Akuila kɛ piɛ e he, nɛ a ya wó lɛ kɛ ba Siria. Loko lɛ ɔ maa hia ngɛ Kenkrea a, Paulo ha a sɛ e yi ha lɛ, ejakaa be ko ɔ, e wo Mawu si ko.

Mose IV, 6:1

Yawɛ de Mose ke,

Manyadali 13:4

Lɔ ɔ he ɔ, hyɛ o he nɔ saminya. Koo nu wai, loo dã nɛ nya wa; nɛ koo ye nɔ́ ko nɛ he tsɔ we hulɔ.

Yeremia 35:6

Se a he nɔ ke, “Wa be wai nue, ejakaa wa nɛ̃, Yonadab wo wɔ mlaa ke wa ko nu wai ligbi ko ligbi ko, wɔ jio, wa nina jio.

Mose IV, 30:3

“Ke yo ko wo Yawɛ si, aloo ke e ka e he kita kaa e maa nyɛ nɔ́ ko ngɛ e yihe mi be mi nɛ e ngɛ e tsɛ we ɔ,

Manyadali 13:14

Nɔ́ tsuaa nɔ́ nɛ jeɔ wai tso mi ɔ, e ko ye eko kɔkɔɔkɔ. Jehanɛ, e ko nu wai, loo dã nɛ nya wa; nɛ e ko ye nɔ́ ko nɛ he tsɔ we hulɔ. Mlaa amɛ nɛ i wo lɛ ɔ, e ye kulaa nɔ.”