Mose IV, 6:15 - BAIBLO ALOO NGMAMI KLƆUKLƆU Ɔ

¹⁵ Jehanɛ se hu, e ngɔ abolo kplolo kusii kake, kɛ keeki nɛ a kɛ mamu bukɔbukɔ nɛ a futu mi nu pee, kɛ akpɔɔnɔɔ nɛ a wui mi masa, se a ngɔ nu kɛ kpa hɛ mi kɛ piɛ niye ní bɔ ɔ, kɛ dã nɛ a kɛ maa sã bɔ ɔ a he kɛ ba.

Mose IV, 6:15 ပူးပေါင်းရင်းမြစ်များ

Mose III, 2:4

Ke niye ní nɛ a sã ngɛ flɔɔnɔɔ mi nɔ ko ngɔ kɛ ma bɔ sami ɔ, é pee keeki nɛ a kɛ mamu bukɔbukɔ nɛ a wo mi nu sã, loo e pee akpɔɔnɔɔ nɛ a pɔ he nu.

Mose II, 29:2

Ngɔɔ ngma mamu nɛ masa be mi kɛ pee nɔ́ etɛ nɛ ɔmɛ: abolo kplolo nɛ zɔ ngɛ mi, abolo kplolo nɛ a wui mi zɔ, kɛ akpɔɔnɔɔ nɛ a kɛ nu kpa hɛ mi,

Mose IV, 15:10

kɛ wai lita enyɔ. Enɛ ɔ ji bɔ nɛ a kɛ la sãã, nɛ jeɔ via kɛ haa Yawɛ.

1 Korintobi 11:26

Enɛ ɔ tsɔɔ kaa be tsuaa be nɛ nyɛ maa ye abolo nɛ ɔ eko, nɛ nyɛ maa nu wai ngɛ kplu nɛ ɔ mi ɔ, nyɛ ngɛ Nyɔmtsɛ ɔ gbenɔ sane ɔ fiɛe kɛ yaa su be nɛ e maa ba.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Yoel 1:13

Nyɛ osɔfohi nɛ nyɛ sɔmɔɔ ngɛ bɔ sami la tɛ ɔ he, nyɛɛ ha kpekpe ya bo, nɛ nyɛɛ wo yana! Nyɛɛ ya Mawu we ɔ mi, nɛ nyɛ ya ye kɔmɔ nyɔnyɔɔnyɔ tsuo. Ejakaa niye ní be ɔ, wai hu be nɛ nyɛɛ kɛ maa sã bɔ ha nyɛ Mawu ɔ.

Yoel 1:9

Niye ní kɛ wai nɛ a kɛ ba sãã bɔɔ se po ngɛ Yawɛ we ɔ mi; lɔ ɔ he ɔ, osɔfo ɔmɛ nɛ sɔmɔɔ ngɛ Yawɛ we ɔ ngɛ kɔmɔ yee.

Yesaya 62:9

Se mohu, o nihi nɛ du blɛfo nɛ a kpɔ ɔ, mɛ lɛ a maa ye, nɛ a ma je imi Yawɛ ye yi. Ni nɛmɛ nɛ bua wai yiblii nya a, mɛ lɛ a maa nu dã a ngɛ kue ɔmɛ a mi, ngɛ ye we klɔuklɔu ɔ.”

Mose III, 9:4

Á ngɔ na ku, kɛ agbosu kɛ ba sã tue mi jɔmi bɔ ha Yawɛ kɛ piɛ niye ní bɔ nɛ a futu mi nu ɔ he. Á pee nɔ́ nɛ ɔ, ejakaa Yawɛ ma je e he kpo kɛ tsɔɔ mɛ mwɔnɛ ɔ.”

Mose III, 8:2

“Ngɔɔ Aaron kɛ e binyumu ɔmɛ, a tade ɔmɛ, nɔ pɔmi nu ɔ, na ku ɔ nɛ a kɛ maa sã yayami pami bɔ ɔ, agbosu enyɔ ɔmɛ, kɛ kusii kɛ e mi abolo kplolo ɔ kɛ ba kpe he bo tsu ɔ sinya a nya;

Mose III, 7:12

Ke nɔ ko ma bɔ ɔ sami nɛ e kɛ na Yawɛ si ɔ, e ngɔ ní nɛ ɔmɛ kɛ piɛ e lohwe nɛ e kɛ ma bɔ sami ɔ he kɛ ba: abolo kplolo nɛ a wo mi nu, akpɔɔnɔɔ nɛ a kɛ kplolo sã nɛ a kpa he nu, kɛ akpɔɔnɔɔ nɛ a kɛ mamu bukɔbukɔ nɛ a wo mi nu saminya sã.

Mose IV, 6:16

“Osɔfo ɔ nɛ ngɔ ní nɛ ɔmɛ tsuo kɛ ba Yawɛ hɛ mi, nɛ́ e sã yayami pami bɔ ɔ, kɛ sami bɔ ɔ.