Mose IV, 5:9 - BAIBLO ALOO NGMAMI KLƆUKLƆU Ɔ

⁹ Jehanɛ se hu, nike ní klɛdɛɛ nɛ Israel bi ɔmɛ maa ngɔ kɛ ba ha Yawɛ ɔ, e maa pee osɔfo ɔ nɔ.

Mose IV, 5:9 ပူးပေါင်းရင်းမြစ်များ

Mose II, 29:28

Ní nɛ ɔmɛ maa pee Aaron kɛ e binyumu ɔmɛ a blɔ nya ní; ejakaa e ji mlaa nɛ fɔɔ si kɛ yaa neneene kaa ke Israel bi ɔmɛ ba sã bɔ ɔ, lohwe ɔ gugue, kɛ e fiɔ ɔ nɛ pee osɔfo ɔmɛ a nɔ́. Enɛ ɔ ji nike ní nɛ ma a kɛ ba ke Yawɛ.

Mose III, 10:13

Nyɛɛ ye ngɛ he ko nɛ ngɛ klɔuklɔu, ejakaa bɔhi nɛ a kɛ la sãã kɛ haa Yawɛ ɔ, nyɛɛ nyɛ blɔ fami nɔ́ nɛ Yawɛ to ji lɔ ɔ nɛ.

Mose III, 10:14

Se lohwe ɔ gugue nɛ a fɔɔ, kɛ fiɔ ɔ nɛ a woɔ nɔ́ ɔ, o kɛ o binyumu ɔmɛ, kɛ o biyi ɔmɛ nɛ ye ngɛ he ko nɛ tsɔ; ejakaa tue mi jɔmi bɔ ɔmɛ nɛ Israel bi ɔmɛ ba sãã a, o kɛ o bimɛ ɔmɛ nyɛ blɔ fa mi nɔ́ ji lɔ ɔ nɛ.

Mose III, 10:15

Fiɔ ɔ, kɛ gugue ɔ nɛ a fɔɔ kɛ yaa kɛ baa ngɛ Yawɛ hɛ mi ɔ, á ngɔ kɛ piɛ zɔ ɔ nɛ a kɛ la sãã a he kɛ ba kaa bɔ nɛ a fɔɔ kɛ yaa kɛ baa ngɛ Yawɛ hɛ mi. Fiɔ ɔ, kɛ gugue ɔ maa pee o kɛ o binyumu ɔmɛ nyɛ nɔ́ kɛ yaa neneene kaa bɔ nɛ Yawɛ fa a.”

Mose III, 6:26

Jehanɛ, osɔfo ɔ nɛ maa sã lohwe ɔ, e ye ngɛ he ko nɛ ngɛ klɔuklɔu ngɛ kue ɔ nɛ ngɛ kpe he bo tsu ɔ mi ɔ mi.

Mose III, 7:32

Á ngɔ lohwe ɔ hiɔ fiɔ ɔ kɛ ha osɔfo ɔ nɛ ngɔ muɔ kɛ zɔ ɔ kɛ sã tue mi jɔmi bɔ ɔ kaa nike ní pɔtɛɛ ko. E blɔ nya nɔ́ ji nɛ ɔ nɛ.

Mose III, 7:34

Lohwe ɔ gugue, kɛ e hiɔ nɔ fiɔ ji nike ní pɔtɛɛ nɛ Yawɛ he ngɛ Israel bi ɔmɛ a dɛ kɛ ha osɔfo ɔmɛ. Nike ní nɛ ɔ ji nɔ́ nɛ sa nɛ Israel bi ɔmɛ nɛ ha osɔfo ɔmɛ be tsuaa be.

Mose IV, 18:19

“Nike ní klɔuklɔu nɛ Israel bi ɔmɛ kɛ ba haa Yawɛ ɔ, i ngɔ mɛ tsuo kɛ ha mo, kɛ o binyumu ɔmɛ, kɛ o biyi ɔmɛ kaa nyɛ blɔ fa mi nɔ nɛ fɔɔ si daa. Nɔ́ nɛ ɔ ji somi ko nɛ i kɛ mo, kɛ o nina so, nɛ a be mi poe gblegbleegble.”

Mose IV, 31:41

Nɛ kaa bɔ nɛ Yawɛ fa Mose ɔ, Mose ngɔ nimli ɔmɛ, kɛ lohwe ɔmɛ nɛ a tsu ɔ ngɔ ha osɔfo Eleazar kaa nike ní klɛdɛɛ ko ha Yawɛ.

Mose IV, 5:8

Se ke nɔmlɔ nɛ ɔ be je mi, nɛ e be weku no pɔtɛɛ ko nɛ a kɛ nane mi tomi ní ɔmɛ ma ha lɛ ɔ, lɛɛ nane mi tomi ní ɔmɛ maa pee Yawɛ nɔ, nɛ a kɛ ma ha osɔfo ɔ. Slo nɔ́ nɛ ɔ ngɛ agbosu ɔ nɛ a kɛ peeɔ kusumi kɛ tsukɔɔ nɔ ko nɛ tɔ ɔ he ɔ.

Mose V, 12:26

Nyɛɛ ngɔ nyɛ bɔ ɔmɛ nɛ a sãã a, kɛ nike ní klɔuklɔu ɔmɛ nɛ nyɛ wo si ɔ kɛ ya he kake ɔ nɛ Yawɛ to ke a ja lɛ ngɛ ɔ.