Mose IV, 5:3 - BAIBLO ALOO NGMAMI KLƆUKLƆU Ɔ

³ Nyɛ je nimli nɛ ɔmɛ tsuo kɛ je nyɛ kpɛti, nyumuhi jio, yihi jio, konɛ a ko ble ma sito he ɔ, he nɛ i hii ngɛ ye ma a a kpɛti ɔ.”

Mose IV, 5:3 ပူးပေါင်းရင်းမြစ်များ

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Mose II, 25:8

Ha nɛ a ma he klɔuklɔu ko ha mi, konɛ ma hi a kpɛti.

Mose II, 29:45

Ma hi Israel bi ɔmɛ a kpɛti, nɛ ma pee a Mawu.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Mose III, 14:8

Enɛ ɔ se ɔ, nɔ nɛ ma e he tsukɔmi ɔ nɛ fɔ e tade ɔmɛ a he, nɛ é sɛ e he bwɔmi tsuo, nɛ é du e he; kɛkɛ e he ma tsɔ. E ma nyɛ maa ba ma sito he ɔ, se e be e bo tsu ɔ mi hwɔe; e maa hi e bo tsu ɔ se ligbi kpaago.

Mose III, 15:31

Yawɛ de Mose ke e slɔ Israel bi ɔmɛ ngɛ a he nɛ tsɔ we ɔ he, konɛ a ko ble Yawɛ kpe he bo tsu ɔ ngɛ ma a sito he ɔ. Ke pi ja a, a ma gbo.

Mose IV, 16:3

A kpe kɛ wo Mose kɛ Aaron a he, nɛ a de mɛ ke, “Nyɛ ngɛ nɔ́ ko pee tsɔ. Ma kpekpemi nɛ ɔ tsuo pɛpɛɛpɛ nimli klɔuklɔuhi ji mɛ; nɛ Yawɛ ngɛ a kpɛti. Mɛni he je mɔ nɛ nyɛ ngɛ nyɛ he nɔ woe ngɛ Yawɛ ma kpekpemi ɔ nɔ ɔ?”

Mose IV, 19:22

Nɔ́ tsuaa nɔ́ nɛ nɔ ko nɛ he tsɔ we maa ta he ɔ, e ble nɔ́ ɔ; ke nɔ ko ta jamɛ a nɔ́ ɔ he ɔ, lɛ hu e he tsɔ we kɛ yaa si gbɔkuɛ.”

Mose IV, 35:34

Nyɛ ko ble zugba nɛ nyɛ ngɛ nɔ ɔ, he nɛ imi hu i hii ɔ; ejakaa imi ji Yawɛ, nɛ Israel bi ɔmɛ a kpɛti lɛ i hii.”

Mose IV, 5:4

Israel bi ɔmɛ pee kaa bɔ nɛ Yawɛ fa Mose ɔ, nɛ a fie jamɛatsɛmɛ ɔmɛ kɛ je ma sito he ɔ.

Mose V, 23:14

Ha nɛ o ta sito he ɔ nɛ pee klɔuklɔu; ejakaa Yawɛ, o Mawu ɔ kɛ mo ngɛ lejɛ ɔ, konɛ e baa o yi, nɛ o ye o he nyɛli ɔmɛ a nɔ kunimi. Koo pee afa nɔ́ ko nɛ ma ha nɛ Yawɛ maa je o he.

Mose V, 23:15

“Ke nyɔguɛ ko kú kɛ je e nyɔmtsɛ ngɔ, nɛ e ba po mo ɔ, koo kpale lɛ kɛ ya ha e nyɔmtsɛ ɔ.

2 Tesalonikabi 3:6

Nyɛmimɛ, wa ngɛ nyɛ fae ngɛ wa Nyɔmtsɛ Yesu biɛ mi ke nyɛɛ kɛ nihi nɛ tsu we ní, kɛ ni nɛmɛ nɛ bɛ a je mi saminya kaa bɔ nɛ wa tsɔɔ mɛ ɔ kó bɔ.

Tito 3:10

Nɔ ko nɛ ma hla kaa e kɛ mi gbami nɛ ba nyɛ kpɛti ɔ, ka e hɛ mi si kake, loo si enyɔ. Lɔ ɔ se ɔ, kɛ lɛ ko bɔ hu.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.