Mose IV, 5:25 - BAIBLO ALOO NGMAMI KLƆUKLƆU Ɔ

²⁵ Se loko osɔfo ɔ maa pee nɔ́ nɛ ɔ, e he ngma niye ní bɔ ɔ, nɛ ji hunga bɔ ɔ ngɛ yo ɔ dɛ. E fɔ̃ ngma niye ní bɔ ɔ kɛ ya kɛ ba ngɛ Yawɛ hɛ mi. Lɔ ɔ se ɔ, e ngɔ kɛ ba bɔ sami la tɛ ɔ he.

Mose IV, 5:25 ပူးပေါင်းရင်းမြစ်များ

Mose II, 29:24

Ngɔɔ ní nɛ ɔmɛ tsuo ngɔ wo Aaron kɛ e binyumu ɔmɛ a dɛ, nɛ a fɔ ngɛ hiɔwe kɛ ya kɛ ba ngɛ ye hɛ mi kɛ tsɔɔ kaa a tsukɔ a he kɛ ha imi Yawɛ.

Mose III, 8:27

E ngɔ ní nɛ ɔmɛ tsuo ngɔ wo Aaron kɛ e binyumu ɔmɛ a dɛ mi, nɛ a wo nɔ kaa bɔ nɛ a fɔɔ kɛ yaa kɛ baa ngɛ Yawɛ hɛ mi.

Mose IV, 5:15

nyumu nɛ ɔ nɛ ngɔ e yo ɔ kɛ ba osɔfo ɔ ngɔ. Nyumu ɔ nɛ hɛɛ ngma mamu kilo kake, nɛ ji bɔ ɔ nɛ e maa sã ngɛ yo ɔ he ɔ kɛ ba. E ko plɛ oliv nu kɛ pue nɔ, nɛ e ko ngɔ mimɛ hu kɛ fɔ nɔ; ejakaa hunga niye ní bɔ ji nɛ ɔ nɛ; bɔ nɛ nyumu nɛ yi mi tɛ̃ e yo he ba sã, konɛ a kɛ hla anɔkuale ɔ.

Mose IV, 5:18

Osɔfo ɔ nɛ pɛne yo ɔ yi bwɔmi. Lɔ ɔ se ɔ, e ngɔ niye ní bɔ ɔ, nɛ ji hunga niye ní bɔ ɔ nɛ a kɛ hlaa anɔkuale ɔ ngɔ wo yo ɔ dɛ mi. Osɔfo ɔ nitsɛ lɛɛ e hɛɛ nyu nɛ dooɔ, nɛ kɛ gbiɛmi baa nɔ nɔ ɔ ngɛ e dɛ mi.

Mose IV, 5:24

Lɔ ɔ se ɔ, e ngɔ nyu nɛ dooɔ ɔ kɛ ha yo ɔ nɛ e nu. Ke nyu nɛ ɔ sɛ yo ɔ mi mi ɔ, e maa hao e mi mi ɔ.

Mose IV, 5:26

Osɔfo ɔ nɛ ti niye ní bɔ ɔ dɛ mamɛ kake kɛkɛ kaa okadi, nɛ e sã lɔ ɔ ngɛ bɔ sami la tɛ ɔ nɔ.