Mose IV, 5:18 - BAIBLO ALOO NGMAMI KLƆUKLƆU Ɔ

¹⁸ Osɔfo ɔ nɛ pɛne yo ɔ yi bwɔmi. Lɔ ɔ se ɔ, e ngɔ niye ní bɔ ɔ, nɛ ji hunga niye ní bɔ ɔ nɛ a kɛ hlaa anɔkuale ɔ ngɔ wo yo ɔ dɛ mi. Osɔfo ɔ nitsɛ lɛɛ e hɛɛ nyu nɛ dooɔ, nɛ kɛ gbiɛmi baa nɔ nɔ ɔ ngɛ e dɛ mi.

Mose IV, 5:18 ပူးပေါင်းရင်းမြစ်များ

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

1 Korintobi 11:6

Ke yo kɛ nɔ́ hɛ́ e yi nɔ ɔ, lɛɛ e sã e yi nɔ mɔ. Se ke zo ngɛ lɛ pee kaa e ma sã e yi nɔ, loo e maa sɛ e yi ɔ, lɛɛ e kɛ nɔ́ nɛ ha e yi ɔ nɔ.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Fiɛlɔ 7:26

Nɔ́ ko hu nɛ i na nɛ dooɔ pe gbenɔ ji yo nɛ e tsui mi ngɛ kaa klama nɛ a tsɔ, aloo ya nɛ a wo nɛ a kɛ maa du nɔ. E nine ngɛ kaa kɔsɔkɔsɔ nɛ a kɛ maa wo nɔ. Nyumu nɛ peeɔ Mawu suɔmi nya ní ɔ maa je e dɛ mi. Se yayami peelɔ lɛɛ yo ɔ nine maa su e nɔ.

Abɛ Womi 5:4

Nɔ́ nɛ jeɔ mi kɛ baa a dooɔ pe agba, nɛ e puɛɔ nɔ́ pe klaate nya enyɔtsɛ.

Samuel I, 15:32

Jehanɛ Samuel de ke, “Nyɛɛ ngɔ Amalek matsɛ, Agag ɔ kɛ ba hiɛ ɔ.” Agag ba kɛ bua jɔmi, nɛ e de ke, “Niinɛ, gbenɔ doomi ɔ be.”

Mose V, 29:18

Nyɛ nɛ nyɛ daa si ngɛ hiɛ ɔ mwɔnɛ ɔ, nyɛɛ hyɛ saminya nɛ nɔ ko nɔ ko kó je Yawɛ, wa Mawu ɔ se kɛ ya ja ma je li a mawu ɔmɛ, nyumu jio, yo jio, weku jio, wɛtso jio. Nɔ́ nɛ ɔ ngɛ kaa tso sipoku nɛ maa wa, nɛ maa ngɔ e duɔ kɛ gbla haomi kɛ ba nyɛ nɔ.

Mose IV, 5:22

Nyu nɛ ɔ nɛ kɛ gbiɛmi baa nɔ nɔ ɔ, e sɛ o mi mi, nɛ e ha nɛ o mi nɛ fu, nɛ o mi si nɛ nɔ mi.’ Kɛkɛ, yo ɔ ma he nɔ ke, ‘E ba mi! E ba mi!’

Mose IV, 5:17

Osɔfo ɔ nɛ yɛ nyu klɔuklɔu ɔ eko kɛ wo buɛ mi, nɛ e piti tabo zu ngɛ kpe he ɔ kɛ wo nyu ɔ mi.

Mose IV, 5:15

nyumu nɛ ɔ nɛ ngɔ e yo ɔ kɛ ba osɔfo ɔ ngɔ. Nyumu ɔ nɛ hɛɛ ngma mamu kilo kake, nɛ ji bɔ ɔ nɛ e maa sã ngɛ yo ɔ he ɔ kɛ ba. E ko plɛ oliv nu kɛ pue nɔ, nɛ e ko ngɔ mimɛ hu kɛ fɔ nɔ; ejakaa hunga niye ní bɔ ji nɛ ɔ nɛ; bɔ nɛ nyumu nɛ yi mi tɛ̃ e yo he ba sã, konɛ a kɛ hla anɔkuale ɔ.

Mose III, 13:45

Ke nɔ ko ngɛ he womi nɔ hiɔ yaya nue ɔ, é wo tade gbagbɛ, é ngmɛɛ e yi bwɔmi he kɛ pue e nɔ, e ha e nya nɔ, nɛ e hi ngmlaa kpae ke, “Ye he tsɔ we oo, ye he tsɔ we!”

1 Korintobi 11:15

Yo lɛɛ e yi bwɔmi fuu ɔ ji e hɛ mi nyami. Mawu ha yo yi bwɔmi nɛ e kɛ ha e he.

Mose IV, 5:19

Jehanɛ, osɔfo ɔ nɛ ka kita ngɔ pue yo ɔ nɔ, nɛ e de ke, ‘Ke o ya hwɔ we nyumu ko se, aloo ke o ji o huno ɔ se ya wui o he mu ɔ, lɛɛ gbiɛmi nɛ nyu nɛ dooɔ nɛ ɔ kɛ baa nɔ nɔ ɔ, o he nɛ je mi.’