Mose IV, 5:15 - BAIBLO ALOO NGMAMI KLƆUKLƆU Ɔ

¹⁵ nyumu nɛ ɔ nɛ ngɔ e yo ɔ kɛ ba osɔfo ɔ ngɔ. Nyumu ɔ nɛ hɛɛ ngma mamu kilo kake, nɛ ji bɔ ɔ nɛ e maa sã ngɛ yo ɔ he ɔ kɛ ba. E ko plɛ oliv nu kɛ pue nɔ, nɛ e ko ngɔ mimɛ hu kɛ fɔ nɔ; ejakaa hunga niye ní bɔ ji nɛ ɔ nɛ; bɔ nɛ nyumu nɛ yi mi tɛ̃ e yo he ba sã, konɛ a kɛ hla anɔkuale ɔ.

Mose IV, 5:15 ပူးပေါင်းရင်းမြစ်များ

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Ezekiel 21:23

Se enɛ ɔ maa pee kaa yaka gbami ngɛ Yerusalem bi ɔmɛ a hɛ mi; ejakaa a so nɛ a ka kita ngɔ fɔ nɔ momo kaa huɛmɛ ji mɛ. Se kɛ̃ ɔ, gbami ɔ maa bɔ mɛ kɔkɔ ngɛ a yayami ɔmɛ a he, nɛ a maa le kaa a ma ba nuu mɛ.

Ezekiel 29:16

Ke e ba mi ja a, e be ma nɛ Israel bi ɔmɛ maa ngɔ a hɛ kɛ fɔ e nɔ pee hu. Ejakaa a ma kai kaa e ji tɔmi agbo kaa Israel ngɔ e hɛ kɛ fɔ Egipt nɔ. Kɛkɛ ɔ, Israel maa le kaa imi ji Nyɔmtsɛ Yawɛ.”

Hosea 3:2

Lɔ ɔ he ɔ, i ngɔ sika hiɔ yi nyɔngma kɛ enuɔ, kɛ ngma tsimi lafa kɛ nyingmi enuɔ kɛ kpɔ ye yo ɔ.

Mose III, 1:2

e de Israel bi ɔmɛ ke, a kpɛti nɔ tsuaa nɔ nɛ maa ngɔ lohwe nane eywiɛtsɛ kɛ maa sã bɔ ha lɛ, Yawɛ ɔ, e ngɔ na, loo to kɛ ba.

Mose III, 2:1

Ke nɔ ko ngɔ niye ní kɛ ma bɔ sami ha Yawɛ ɔ, é wɛɛ lɛ bukɔbukɔ kɛ pee mamu. E pue nɔ oliv nu, kɛ tsopa kɛ e he via,

Mose III, 5:11

Se ke nɔ ɔ be nyɛe ma ha lahuɛ enyɔ, loo beleku lahuɛ enyɔ ɔ, lɛɛ é ngɔ mamu bukɔbukɔ kilo kake kɛ ba kaa yayami pami bɔ. E ko ngɔ nu, loo tsopa kɛ e he via kɛ pue nɔ, ejakaa e ji yayami pami bɔ.

Mose IV, 5:16

“Osɔfo ɔ nɛ ngɔ yo ɔ kɛ ba Yawɛ hɛ mi.

Hebribi 10:3

Se anɔkuale mi ɔ, bɔhi nɛ a sãã daa a haa nɛ a kaiɔ a he yayami ɔmɛ mohu.