Mose IV, 4:9 - BAIBLO ALOO NGMAMI KLƆUKLƆU Ɔ

⁹ “Kane tso ɔ kɛ e he kane ɔmɛ, abɛɛle ɔmɛ, kɛ nu tɔ ɔmɛ tsuo nɛ a kɛ nu woɔ a mi ɔ, a ngɔ bo bluu kɛ ha a he.

Mose IV, 4:9 ပူးပေါင်းရင်းမြစ်များ

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

La 119:105

O munyu ɔ ji kane nɛ i kɛ hyɛɔ ye nane nya; o munyu ɔ ji la nɛ haa ye blɔ mi tɛ̃ɔ.

Mateo 5:15

Jehanɛ se hu, nɔ ko su we kane kɛ ma sowe sisi; mohu e kɛ maa kane tso nɔ, nɛ́ e tso ha nihi tsuo nɛ ngɛ we ɔ mi.

Mose IV, 4:8

A ngɔ bo tsu kɛ ha ní nɛ ɔmɛ a nɔ, nɛ a ngɔ apletsi he womi nɛ a je blɔ pee hu kɛ ha he, loko a ngɔ tsohi nɛ a kɛ maa hɛɛ okplɔɔ ɔ kɛ hɔɔ a blɔ hehi.

Mose IV, 4:10

A ngɔ apletsi he womi nɛ a je blɔ pee kɛ ha kane tso ɔ, kɛ e he ní ɔmɛ tsuo a he, nɛ a ngɔ kɛ wo tlɔɔke mi.