Mose IV, 4:6 - BAIBLO ALOO NGMAMI KLƆUKLƆU Ɔ

⁶ Lɔ ɔ se ɔ, a ngɔ apletsi he womi nɛ a je blɔ pee kɛ ha he, nɛ a ngɔ bo bluu hu kɛ ha lɔ ɔ nɔ, loko a ngɔ tsohi nɛ a kɛ maa hɛɛ daka a kɛ hɔɔ a blɔ hehi.

Mose IV, 4:6 ပူးပေါင်းရင်းမြစ်များ

Mose II, 25:10

“Ha nɛ a ngɔ akasia tso kɛ kpɛ daka mimi pɔtɛɛ ko nɛ e kami ji nine mi blimi enuɔ, e blimi ji nine mi blimi etɛ, nɛ e mi kuɔmi ji nine mi blimi etɛ.

Mose II, 35:19

kɛ tade saminyawiiwi ɔmɛ nɛ osɔfo Aaron kɛ e binyumu ɔmɛ maa wo kɛ sɔmɔ ngɛ he klɔuklɔu ɔ.”

Mose II, 39:1

A ngɔ kpa bluu, kpa nɛ hɛɛ alamua tu su, kɛ kpa tsu kɛ kpɛ tade saminyawiiwi nɛ osɔfo ɔmɛ maa wo kɛ sɔmɔ ngɛ he klɔuklɔu ɔ. A kpɛ tade klɔuklɔu ɔmɛ kɛ ha Aaron kaa bɔ nɛ Yawɛ fa Mose ɔ.

Mose II, 39:41

tade saminyawiiwi ɔmɛ nɛ osɔfo ɔmɛ maa wo kɛ sɔmɔ ngɛ he klɔuklɔu ɔ, nɛ ji osɔfo Aaron kɛ e binyumu ɔmɛ a tade klɔuklɔu ɔmɛ.

Mose IV, 4:14

Jehanɛ, a ngɔ ní ɔmɛ tsuo nɛ a kɛ sɔmɔɔ ngɛ lejɛ ɔ kɛ ma nɔ: ngɛyuhi, sofihi, gbowehi, kɛ kahi. Lɔ ɔ se ɔ, a ngɔ apletsi he womi nɛ a je blɔ pee kɛ ha he, loko a ngɔ tsohi nɛ a kɛ maa hɛɛ lɛ ɔ kɛ hɔɔ a blɔ hehi.

Mose IV, 4:25

a maa tloo kpe he ɔ he bo ɔmɛ, bo tsu ɔ kɛ e he hami nɔ́ ɔ, e yi bumi nɔ́ ɔ nɛ a ngɔ apletsi he womi nɛ a je blɔ pee kɛ kpɛ ɔ, kpe he bo tsu sinya a nya bo ɔ,

Mose V, 31:9

Mose ngma Mawu mlaa a ngɔ wo womi mi, nɛ e ngɔ ha osɔfo ɔmɛ nɛ ji Levi bi ɔmɛ nɛ hyɛɛ somi daka a nɔ ɔ, kɛ Israel ma nimeli ɔmɛ tsuo.