Mose IV, 4:32 - BAIBLO ALOO NGMAMI KLƆUKLƆU Ɔ

³² kue ɔ nɛ bɔle si ɔ mi tso ɔmɛ, a nɔ dami ní ɔmɛ, kɛ plɛɛko ɔmɛ kɛ a he tangme kpa amɛ, kɛ a he ní ɔmɛ tsuo. Moo dla tlomihi nɛ a maa tloo ɔ ngɔ ha mɛ kakaaka.

Mose IV, 4:32 ပူးပေါင်းရင်းမြစ်များ

Mose II, 38:21

Ní slɔɔtohi nɛ a kɛ pee kpe he bo tsu ɔ, he nɛ a ngɔ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ ngɔ to ɔ ji nɛ ɔmɛ nɛ. Mose ji nɔ nɛ fa kaa a bua ní nɛ ɔmɛ a nya, nɛ osɔfo Aaron binyumu Itamar ji nɔ nɛ to blɔ nya ha Levi bi ɔmɛ nɛ a kɛ tsu ní ɔ.

Kronika I, 9:29

Ni komɛ hu a ní tsumi ji a hyɛ tsu mi ní ɔmɛ, kɛ ní klɔuklɔu kpa amɛ, mamu ɔ, wai ɔ, oliv nu ɔ, tsopahi kɛ a he via a nɔ.

Mose IV, 7:1

Ligbi ɔ nɛ Mose gbe kpe he ɔ mami nya a, e pɔ kpe he ɔ nu, nɛ e tsukɔ he kɛ e he ní ɔmɛ tsuo, kɛ bɔ sami la tɛ ɔ kɛ e he ní ɔmɛ tsuo.

Mose IV, 3:8

Mɛ lɛ a maa hyɛ níhi nɛ ngɛ kpe he bo tsu ɔ he, kɛ e mi tsuo a nɔ, nɛ mɛ lɛ a ma tsu ní ngɛ lejɛ ɔ ngɛ Israel ma a tsuo a nane mi.

Mose II, 38:17

A kɛ akɔblee pee titima amɛ a nɔ dami ní ɔmɛ; se a he gbowe ɔmɛ, kɛ mani ɔmɛ lɛɛ sika hiɔ a kɛ pee. A ngɔ sika hiɔ kɛ ha titima amɛ a yi mi. Titima amɛ tsuo nɛ ngɛ piɛ ɔ he ɔ, a kɛ sika hiɔ tsa mɛ ngɛ a kpɛti.

Mose II, 25:9

A pee sihi he nɛ ɔ kɛ e mi dlami ní ɔmɛ ngɛ henɔhi a nya pɛpɛɛpɛ kaa bɔ nɛ ma tsɔɔ mo ɔ.

Mose IV, 4:31

Ní tsumi nɛ mɛɛ a ma tsu ngɛ kpe he bo tsu ɔ mi ji a maa muɔ kpe he ɔ he plai ɔmɛ, mani ɔmɛ, titima amɛ kɛ a nɔ dami ní ɔmɛ,

Mose IV, 4:33

Ní tsumihi nɛ Merari bi ɔmɛ ma tsu ngɛ kpe he bo tsu ɔ mi ji nɛ ɔmɛ nɛ; nɛ nɔ nɛ maa hyɛ a nɔ ji osɔfo Aaron bi Itamar.”

Mose IV, 7:8

nɛ e ha Merari bi ɔmɛ tlɔɔke eywiɛ, kɛ na kpaanyɔ ngɛ mɛ hu a ní tsumi nya. Mɛ tsuo a nɔ hyɛlɔ ji osɔfo Aaron bi Itamar.

Mose II, 27:9

“Jehanɛ moo po piɛ kɛ wo kpe he bo tsu ɔ he. Bo nɛ a kɛ kpa hiɔ kpakpa nɛ a tslɔ lo nɛ hi piɛ ɔ leneyi je; e kami nɛ pee nine mi blimi lafa enyɔ.

Mose IV, 3:36

Ní tsumi nɛ a tu kɛ wo Merari binyumu ɔmɛ a dɛ mi ji ní tsumi tsuaa ní tsumi nɛ kɔɔ kpe he ɔ he plai ɔmɛ, mani ɔmɛ, titima amɛ kɛ a nɔ dami ní ɔmɛ, kɛ a he ní ɔmɛ tsuo a he.

Mose IV, 4:49

A ngma nɔ tsuaa nɔ biɛ kakaaka kaa bɔ nɛ Yawɛ fa Mose ɔ, nɛ a dla ní tsumi slɔɔto ɔmɛ, kɛ tlomi ɔmɛ a tloomi ngɔ ha mɛ, nɔ tsuaa nɔ kɛ e nɔ́. Bɔ nɛ Yawɛ fa Mose ke e pee ji nɛ ɔ nɛ.