Mose IV, 4:3 - BAIBLO ALOO NGMAMI KLƆUKLƆU Ɔ

³ kɛ je nɔ nɛ ye jeha nyingmi etɛ nɔ, kɛ yaa si nɔ nɛ ye jeha nyingmi enuɔ nɔ, nɔ tsuaa nɔ nɛ ma nyɛ tsu ní ngɛ kpe he bo tsu ɔ mi.

Mose IV, 4:3 ပူးပေါင်းရင်းမြစ်များ

Samuel II, 5:4

David ye jeha nyingmi etɛ benɛ e bɔni matsɛ yemi, nɛ e ye matsɛ jeha nyingmi eywiɛ.

Kronika I, 6:48

A nyɛmimɛ Levi bi ɔmɛ ji nihi nɛ a dla ní tsumi slɔɔtoslɔɔto ɔmɛ tsuo nɛ ngɛ Yawɛ we ɔ kɛ ha.

Kronika II, 31:17

A dla ní tsumi ɔ ha osɔfo ɔmɛ weku nya weku nya. Se Levi bi nɛ a ye jeha nyingmi enyɔɔnyɔ, loo nihi nɛ a ye pe ja a, mɛɛ lɛɛ a dla ní tsumi ɔ ha mɛ ngɛ a ní tsumi kuuhi a nya.

Ezra 3:8

Benɛ Israel bi ɔmɛ ba su Yerusalem, he nɛ Mawu we ɔ hi ɔ, jeha enyɔne ɔ we nyɔhiɔ nɛ ji enyɔ ɔ mi ɔ, a je Yawɛ we ɔ mami sisi. Shealtiel bi Zerubabel, Yozadak bi Yoshua, kɛ ma a nɛ a wo ní tsumi ɔ nɔ. Osɔfo ɔmɛ, Levi bi ɔmɛ, kɛ nihí tsuo nɛ kpale kɛ je ma se kɛ ba a hu piɛ a he. A ngɔ Levi bi, nihi nɛ ye jeha nyingmi enyɔ, aloo ni nɛmɛ nɛ ye pe ja ngɔ to ní tsumi ɔ nya konɛ a hyɛ nɔ.

Mose IV, 1:3

Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ e ma nyɛ maa ya ta a, nyɛɛ ngma e biɛ, nɛ nyɛ gba mɛ tabo nya tabo nya.

Mose IV, 1:50

Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

Mose IV, 16:9

anɛ e pi ha nyɛ kaa Israel Mawu ɔ hla nyɛ kɛ je Israel ma kpekpemi ɔ mi konɛ nyɛɛ ba e ngɔ, nɛ nyɛ ba tsu ní ngɛ Yawɛ kpe he ɔ, nɛ nyɛɛ da ma kpekpemi ɔ nya kaa a sɔmɔli lo?

Mose IV, 4:2

“Nyɛɛ kane Kohat bi nɛ ngɛ Levi bi ɔmɛ a kpɛti ɔ weku nya weku nya, kɛ we puɔ nya we puɔ nya, nɛ nyɛɛ ngma nyumu ɔmɛ a biɛ,

Mose IV, 4:23

kɛ je nɔ nɛ ye jeha nyingmi etɛ nɔ kɛ yaa si nɔ nɛ ye jeha nyingmi enuɔ nɔ, nɔ tsuaa nɔ nɛ ma nyɛ tsu ní ngɛ kpe he bo tsu ɔ mi.

Mose IV, 4:30

kɛ je nɔ nɛ ye jeha nyingmi etɛ nɔ, kɛ yaa si nɔ nɛ ye jeha nyingmi enuɔ nɔ, nɔ tsuaa nɔ nɛ ma nyɛ tsu ní ngɛ kpe he bo tsu ɔ mi.

Mose IV, 4:4

Kohat bi ɔmɛ ji ni nɛmɛ nɛ ma tsu níhi nɛ ngɛ klɔuklɔu pe kulaa ngɛ kpe he bo tsu ɔ mi ɔ a he ní.

Luka 3:23

Benɛ Yesu je e ní tsumi sisi ɔ, e ye maa pee jeha nyingmi etɛ, nɛ bɔ nɛ nihi susuɔ ji e tsɛ ji Yosef, Heli bi ɔ,

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

1 Timoteo 3:1

Anɔkuale sane ji kaa ke nɔ ko suɔ kaa e maa hyɛ Mawu asafo nɔ ɔ, e na ní tsumi kpakpa.

1 Timoteo 3:6

E ko pee nɔ ko nɛ tsake e tsui kɛ we. Ke pi ja a, e ma wo e he nɔ, nɛ Mawu maa gbla e tue kaa bɔ nɛ e pee Abosiami ɔ.