Mose IV, 4:20 - BAIBLO ALOO NGMAMI KLƆUKLƆU Ɔ

²⁰ Kohat bi ɔmɛ lɛɛ ke a sɛ bo tsu ɔ mi ɔ, a ko hyɛ ní klɔuklɔu ɔmɛ hɛngmɛfia po. Ke a pee ja a, a ma gbo.”

Mose IV, 4:20 ပူးပေါင်းရင်းမြစ်များ

Mose II, 19:21

Nɛ Yawɛ de lɛ ke, “Kple si nɛ o ya tu munyu ngɔ tsɔɔ ma a, bɔ nɛ pee nɛ nɔ ko nɔ ko kó de ke e ngɛ piɛ ɔ gbae kɛ ma mi hyɛmi, nɛ́ nihi babauu a hɛ mi ko ba kpata.

Mose III, 10:2

Tlukaa a, la je Yawɛ ngɔ ba sã mɛ, nɛ a gbo ngɛ lejɛ ɔ.

Mose III, 16:13

E ngɔ tsopa kɛ e he via a ngɔ pue la a mi ngɛ Yawɛ hɛ mi, nɛ e wo la su ku nɛ mi ti kɛ tsi somi daka nya nɔ́ ɔ nɔ, bɔ nɛ pee nɛ Aaron ko na somi daka nya nɔ́ ɔ, nɛ e ba gbo.

Mose IV, 1:51

Be tsuaa be nɛ nyɛ maa hia a, Levi bi ɔmɛ ji ni nɛmɛ nɛ maa gbɛ bo tsu ɔ. Nɛ ke a maa ma lɛ ekohu ɔ, Levi bi ɔmɛ nɔuu lɛ a maa ma. Ke nɔ kpa ko hɛ lɛ kɛ su he ɔ, a gbe lɛ.

Mose IV, 18:3

A ma sɔmɔ mo, nɛ a ma tsu bo tsu ɔ he ní tsumihi tsuo. Se mohu, á hyɛ nɛ a ko ta bɔ sami la tɛ ɔ, loo ní ɔmɛ nɛ ngɛ he klɔuklɔu ɔ a he, bɔ nɛ pee nɛ a kɛ nyɛ tsuo nyɛ ko gbo.

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 4:19

Bɔ nɛ pee nɛ ke a ba su níhi nɛ ngɛ klɔuklɔu pe kulaa a he nɛ a ko gbo, se mohu a yi nɛ na wami he je ɔ, nɔ́ nɛ nyɛɛ pee ha mɛ ji nɛ ɔ nɛ: Aaron kɛ e bimɛ ɔmɛ nɛ a ya nɛ a ya tsɔɔ nɔ tsuaa nɔ e ní tsumi, kɛ e tlomi nɛ e maa tloo.

Mose IV, 4:21

Yawɛ de Mose ke,

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Samuel I, 6:19

Yawɛ gbe Bet Shemesh bi ɔmɛ a ti nihi nyingmi kpaago, ejakaa mɛɛ a ya hyɛ somi daka a mi. Nɛ ni ɔmɛ ye kɔmɔ kaa Yawɛ kpata nihi babauu a hɛ mi.