Mose IV, 4:15 - BAIBLO ALOO NGMAMI KLƆUKLƆU Ɔ

¹⁵ Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 4:15 ပူးပေါင်းရင်းမြစ်များ

Samuel II, 15:24

Abiatar, Zadok, kɛ Levi bi ɔmɛ ya ngɔ Mawu somi daka a kɛ ba ma si kɛ ya si nɔ tsuaa nɔ je ma a mi.

Samuel II, 6:13

Benɛ ni ɔmɛ nɛ hɛɛ Yawɛ daka a hia nane ekpa a, David ha nɛ a wa, nɛ e gbe na kɛ to nɛ wo zɔ nɛ e kɛ sã bɔ ha Yawɛ.

Matsɛmɛ I, 8:3

Benɛ Israel ma nimeli ɔmɛ tsuo ba bua a he nya a, osɔfo ɔmɛ wo somi daka a nɔ,

Kronika I, 15:15

Levi bi ɔmɛ wo somi daka a tso nɛ a kɛ fɔ a konɔ kaa bɔ nɛ Yawɛ gu Mose nɔ fa mɛ ke a pee ɔ.

Kronika I, 15:2

Lɔ ɔ se ɔ, e de ke, “Levi bi ɔmɛ pɛ ji ni nɛmɛ nɛ maa hɛɛ somi daka a nɛ, ejakaa mɛ Yawɛ hla ke a hɛɛ somi daka a, nɛ a sɔmɔ lɛ, Yawɛ ɔ daa.”

Kronika I, 23:26

Enɛ ɔ he je ɔ, e pa hia we hu kaa Levi bi ɔmɛ nɛ a hɛɛ kpe he bo tsu ɔ, kɛ ní ɔmɛ tsuo nɛ a kɛ jaa Mawu ɔ.”

Mose II, 19:12

Poo piɛ kɛ bɔle yo ɔ, nɛ o wo ma a si nɛ a hyɛ saminya nɛ nɔ ko nɔ ko kó kuɔ yo ɔ, loo e hɛ lɛ kɛ su he po. Nɔ tsuaa nɔ nɛ maa ta yo ɔ he ɔ, a gbe lɛ!

Mose II, 19:21

Nɛ Yawɛ de lɛ ke, “Kple si nɛ o ya tu munyu ngɔ tsɔɔ ma a, bɔ nɛ pee nɛ nɔ ko nɔ ko kó de ke e ngɛ piɛ ɔ gbae kɛ ma mi hyɛmi, nɛ́ nihi babauu a hɛ mi ko ba kpata.

Mose II, 27:7

Á kɛ tso ɔmɛ nɛ hɔɔ ga amɛ a mi ngɛ bɔ sami la tɛ ɔ kasa enyɔ ɔmɛ hiɛ kɛ hiɛ nɛ a kɛ hɛɛ lɛ.

Mose III, 16:13

E ngɔ tsopa kɛ e he via a ngɔ pue la a mi ngɛ Yawɛ hɛ mi, nɛ e wo la su ku nɛ mi ti kɛ tsi somi daka nya nɔ́ ɔ nɔ, bɔ nɛ pee nɛ Aaron ko na somi daka nya nɔ́ ɔ, nɛ e ba gbo.

Mose IV, 1:50

Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

Mose IV, 1:51

Be tsuaa be nɛ nyɛ maa hia a, Levi bi ɔmɛ ji ni nɛmɛ nɛ maa gbɛ bo tsu ɔ. Nɛ ke a maa ma lɛ ekohu ɔ, Levi bi ɔmɛ nɔuu lɛ a maa ma. Ke nɔ kpa ko hɛ lɛ kɛ su he ɔ, a gbe lɛ.

Mose IV, 10:21

Jehanɛ, Kohat bi ɔmɛ nɛ tloo ní klɔuklɔu ɔmɛ hu hia; nɛ benɛ a ke a suu sito he kpa a, a na kaa a kɛ bo tsu ɔ ma si ngɛ lejɛ ɔ momo.

Mose IV, 18:3

A ma sɔmɔ mo, nɛ a ma tsu bo tsu ɔ he ní tsumihi tsuo. Se mohu, á hyɛ nɛ a ko ta bɔ sami la tɛ ɔ, loo ní ɔmɛ nɛ ngɛ he klɔuklɔu ɔ a he, bɔ nɛ pee nɛ a kɛ nyɛ tsuo nyɛ ko gbo.

Mose IV, 3:38

Ni nɛmɛ nɛ maa to si ngɛ kpe he ɔ hɛ mi kɛ yaa beleku je ji Mose, Aaron, kɛ Aaron binyumu ɔmɛ. Mɛ ji nihi nɛ ma tsu kusumi ní tsumihi tsuo ngɛ he klɔuklɔu ɔ kɛ ha Israel ma a nɛ. Nɔ kpa ko nɛ maa hɛ lɛ kɛ su ní tsumi nɛ ɔ he ɔ, a gbe lɛ.

Mose IV, 4:14

Jehanɛ, a ngɔ ní ɔmɛ tsuo nɛ a kɛ sɔmɔɔ ngɛ lejɛ ɔ kɛ ma nɔ: ngɛyuhi, sofihi, gbowehi, kɛ kahi. Lɔ ɔ se ɔ, a ngɔ apletsi he womi nɛ a je blɔ pee kɛ ha he, loko a ngɔ tsohi nɛ a kɛ maa hɛɛ lɛ ɔ kɛ hɔɔ a blɔ hehi.

Mose IV, 4:19

Bɔ nɛ pee nɛ ke a ba su níhi nɛ ngɛ klɔuklɔu pe kulaa a he nɛ a ko gbo, se mohu a yi nɛ na wami he je ɔ, nɔ́ nɛ nyɛɛ pee ha mɛ ji nɛ ɔ nɛ: Aaron kɛ e bimɛ ɔmɛ nɛ a ya nɛ a ya tsɔɔ nɔ tsuaa nɔ e ní tsumi, kɛ e tlomi nɛ e maa tloo.

Mose IV, 4:20

Kohat bi ɔmɛ lɛɛ ke a sɛ bo tsu ɔ mi ɔ, a ko hyɛ ní klɔuklɔu ɔmɛ hɛngmɛfia po. Ke a pee ja a, a ma gbo.”

Mose IV, 7:9

Se Kohat bi ɔmɛ lɛɛ Mose ha we mɛ nɔ́ ko; ejakaa ní klɔuklɔu ɔmɛ nɛ a kɛ ha mɛ nɛ a hyɛ nɔ ɔ, a konɔ a kɛ maa fɔ.

Mose V, 31:9

Mose ngma Mawu mlaa a ngɔ wo womi mi, nɛ e ngɔ ha osɔfo ɔmɛ nɛ ji Levi bi ɔmɛ nɛ hyɛɛ somi daka a nɔ ɔ, kɛ Israel ma nimeli ɔmɛ tsuo.

Yoshua 4:10

Osɔfo ɔmɛ nɛ tloo somi daka a da si ngɛ Yordan pa a kpɛti kɛ ya si be nɛ a gbe nɔ́ tsuaa nɔ́ nya kaa bɔ nɛ Yawɛ fa Yoshua kɛ gu Mose nɔ ke e ha nɛ ma a nɛ a pee ɔ pɛpɛɛpɛ. Ma a po pa a mlamlaamla.

Samuel I, 6:19

Yawɛ gbe Bet Shemesh bi ɔmɛ a ti nihi nyingmi kpaago, ejakaa mɛɛ a ya hyɛ somi daka a mi. Nɛ ni ɔmɛ ye kɔmɔ kaa Yawɛ kpata nihi babauu a hɛ mi.