Mose IV, 4:12 - BAIBLO ALOO NGMAMI KLƆUKLƆU Ɔ

¹² Ní ɔmɛ tsuo nɛ a kɛ sɔmɔɔ ngɛ he klɔuklɔu ɔ, a je mɛ nɛ a fi kɛ wo bo bluu mi, nɛ a ngɔ apletsi he womi nɛ a je blɔ pee kɛ ha a he, loko a kɛ wo tlɔɔke ɔ mi.

Mose IV, 4:12 ပူးပေါင်းရင်းမြစ်များ

Kronika I, 9:28

Levi bi ɔmɛ a ti ni komɛ hu a ní tsumi ji a hyɛ níhi nɛ a kɛ sɔmɔɔ ɔ a nɔ. Ke a maa ngɔ ní ɔmɛ kɛ je kpo ɔ, mɛ lɛ a maa kane; ke a kpale ní ɔmɛ kɛ ma si tomi hu, mɛ nɔuu jinihi nɛ maa kane ní ɔmɛ.

Kronika I, 9:29

Ni komɛ hu a ní tsumi ji a hyɛ tsu mi ní ɔmɛ, kɛ ní klɔuklɔu kpa amɛ, mamu ɔ, wai ɔ, oliv nu ɔ, tsopahi kɛ a he via a nɔ.

Kronika II, 4:11

Jehanɛ, Huram pee buɛhi, sofihi, kɛ kãhi. Mawu we ɔ he ní tsumi nɛ Matsɛ Salomo ha lɛ tsumi ɔ, e gbe lɛ tsuo nya. Níhi nɛ e pee ɔ ji nɛ ɔmɛ nɛ: Akɔblee titima enyɔ ɔmɛ Akɔblee kpɔ enyɔ ɔmɛ nɛ ma titima amɛ a yi mi ɔ Ya enyɔ ɔmɛ nɛ a lo kɛ mɔmɔ nɛ a pee kaa kɔsɔkɔsɔ ngɔ ma titima enyɔ ɔmɛ a yi mi ɔ Akɔblee kpɔ kokloohi kaa tso yiblii lafa eywiɛ nɛ a pee ngɔ wo kla enyɔɔnyɔ a mi kɛ bɔle kpɔ ɔmɛ ɔ Tlɔɔke nyɔngma amɛ Kã nyɔngma amɛ Nyu nɔ́ ɔ Akɔblee na ku nyɔngma kɛ enyɔ ɔmɛ nɛ nyu nɔ́ ɔ maa si ngɛ a nɔ ɔ Buɛ ɔmɛ, sofi ɔmɛ, kɛ faka amɛ. Yawɛ we ɔ he ní nɛ ɔmɛ tsuo nɛ Huram pee ha Matsɛ Salomo ɔ, akɔblee nɛ a sa he lɛ a kɛ pee.

Kronika II, 4:19

Matsɛ Salomo ha a kɛ sika tsu pee ní nɛ ɔmɛ hulɔ kɛ ma Yawɛ we ɔ mi: bɔ sami la tɛ ɔ, okplɔɔ ɔ nɛ a kɛ abolo klɛdɛɛ ɔ maa nɔ ngɛ Yawɛ hɛ mi ɔ;

Kronika II, 4:22

la gbemi ní ɔmɛ, kã amɛ, ngɛyu ɔmɛ nɛ a kɛ tsopa kɛ e he via woɔ a mi ɔ, kɛ ngɛyu ɔmɛ nɛ a kɛ jeɔ la a. A kɛ sika tsu ngmingmiingmi pee ní nɛ ɔmɛ tsuo. A kɛ sika tsu ha Yawɛ we ɔ kpo nɔ je sinya amɛ, kɛ he klɔuklɔu pe kulaa a sinya amɛ a he.

Mose II, 25:5

agbosu he womi nɛ a wo lɛ kɔbɛi, lohwe he womi nɛ a je blɔ pee, tso nɛ a tsɛɛ ke akasia,

Mose II, 25:9

A pee sihi he nɛ ɔ kɛ e mi dlami ní ɔmɛ ngɛ henɔhi a nya pɛpɛɛpɛ kaa bɔ nɛ ma tsɔɔ mo ɔ.

Mose II, 31:10

osɔfo tade saminyawiiwi ɔmɛ nɛ Aaron kɛ e binyumu ɔmɛ maa wo be mi nɛ a ngɛ osɔfo ní tsumi tsue ɔ,

Mose IV, 3:8

Mɛ lɛ a maa hyɛ níhi nɛ ngɛ kpe he bo tsu ɔ he, kɛ e mi tsuo a nɔ, nɛ mɛ lɛ a ma tsu ní ngɛ lejɛ ɔ ngɛ Israel ma a tsuo a nane mi.

Mose IV, 4:11

“Sika tsu bɔ sami la tɛ ɔ hu a ngɔ bo bluu kɛ ha he, nɛ a ngɔ apletsi he womi nɛ a je blɔ pee kɛ ha lɔ ɔ hu nɔ, loko a ngɔ tsohi nɛ a kɛ maa hɛɛ lɛ ɔ kɛ hɔɔ a blɔ hehi.

Mose IV, 4:13

A muɔ la zu ɔ ngɛ bɔ sami la tɛ ɔ nɔ, nɛ a ngɔ bo he jua wawɛ nɛ hɛɛ alamua tu su kɛ ha he.

Mose IV, 4:6

Lɔ ɔ se ɔ, a ngɔ apletsi he womi nɛ a je blɔ pee kɛ ha he, nɛ a ngɔ bo bluu hu kɛ ha lɔ ɔ nɔ, loko a ngɔ tsohi nɛ a kɛ maa hɛɛ daka a kɛ hɔɔ a blɔ hehi.

Mose IV, 4:7

“Okplɔɔ ɔ nɛ a kɛ abolo klɛdɛɛ nɛ a kɛ maa Yawɛ hɛ mi ɔ maa nɔ ɔ, á ngɔ bo bluu kɛ ha nɔ loko a ngɔ plɛɛtehi, kahi nɛ a kɛ tsopa kɛ e he via kɛ bɔhi woɔ a mi ɔ, kɛ kpluhi nɛ a kɛ wai bɔhi woɔ a mi ɔ kɛ ma nɔ.

Mose IV, 4:9

“Kane tso ɔ kɛ e he kane ɔmɛ, abɛɛle ɔmɛ, kɛ nu tɔ ɔmɛ tsuo nɛ a kɛ nu woɔ a mi ɔ, a ngɔ bo bluu kɛ ha a he.