Be tsuaa be nɛ nyɛ maa hia a, Levi bi ɔmɛ ji ni nɛmɛ nɛ maa gbɛ bo tsu ɔ. Nɛ ke a maa ma lɛ ekohu ɔ, Levi bi ɔmɛ nɔuu lɛ a maa ma. Ke nɔ kpa ko hɛ lɛ kɛ su he ɔ, a gbe lɛ.
A ma sɔmɔ ngɛ ye we ɔ; a maa bu agbo ɔmɛ a nya, nɛ a ma tsu ní ngɛ we ɔ. Lohwehi nɛ a kɛ ba sãã sami bɔ, kɛ bɔ kpahi ɔ, mɛ lɛ a maa gbe lohwe ɔ, nɛ mɛ nɔuu lɛ a ma sɔmɔ nihi nɛ ba bɔ sami ɔ.
Nɛ hyɛ, i hla Ahisamak bi Oholiab kɛ je Dan wɛtso ɔ mi, konɛ e piɛ e he kɛ tsu ní ɔ. Jehanɛ, gali kpa amɛ hu i dloo mɛ ga ní tsumi he juɛmi klɛdɛɛ, konɛ ní nɛ ɔmɛ tsuo nɛ i fa mo ke o pee ɔ, a nyɛ nɛ a pee:
