Mose IV, 35:8 - BAIBLO ALOO NGMAMI KLƆUKLƆU Ɔ

⁸ Mahi nɛ o maa ngɔ ngɛ Israel wɛtso slɔɔto ɔmɛ a dɛ kɛ ha Levi bi ɔmɛ ɔ, bɔ nɛ o maa pee ji nɛ ɔ nɛ: wɛtsohi nɛ a he hiɛ ɔ, o he fuu ngɛ a dɛ, se wɛtsohi nɛ a he pi ɔ, o he bɔɔ pɛ ngɛ a dɛ.”

Mose IV, 35:8 ပူးပေါင်းရင်းမြစ်များ

Mose IV, 33:54

Nyɛɛ fɔ sɔ kɛ dla zugba a wɛtso nya wɛtso nya, kɛ weku nya weku nya. Wɛtso nɛ a he hiɛ ɔ, a ha mɛ zugba agbo; wɛtso nɛ a he pi ɔ, a ha mɛ bɔɔ pɛ.

Mose IV, 26:54

Wɛtso nya dali ɔmɛ nɛ a fɔ sɔ kɛ dla zugba a. Wɛtso nɛ mi bimɛ hiɛ ɔ, a na zugba agbo; se wɛtso nɛ mi bimɛ a he pi lɛɛ a na zugba bɔbɔyoo.”

Mose II, 16:18

Se benɛ a susu ɔ, a na kaa ni nɛmɛ nɛ muɔ fuu ɔ, a nɔ́ ɔ, pi kaa e hiɛ tsɔ. Ni nɛmɛ nɛ muɔ bɔɔ pɛ ɔ, mɛ hu a nɔ́ ɔ ngɛ bɔ nɛ sa; lɔ ɔ ji nɔ tsuaa nɔ muɔ bɔ nɛ maa su lɛ yemi nya pɛpɛɛpɛ.

Mose I, 49:7

A gbiɛ a mi mi fumi ɔ, Ejakaa e nya wa, nɛ a kɛ peeɔ yi wu tso níhi. Ma gbɛ mɛ ngɔ fĩa Israel zugba a nɔ ngɛ a ma mi bi ɔmɛ a kpɛti.

Mose III, 25:32

Levi bi ɔmɛ lɛɛ a wehi nɛ ngɛ a ma amɛ a mi ɔ, a ngɛ he blɔ nɛ a kpɔɔ mɛ be tsuaa be.

Mose IV, 35:9

Yawɛ de Mose ke,

Kronika II, 11:14

Levi bi ɔmɛ je a kɔpe ɔmɛ, kɛ a zugba kpa amɛ a he, nɛ a ba Yuda kɛ Yerusalem, ejakaa Israel matsɛ, Yeroboam kɛ e se yeli ɔmɛ ngmɛ́ mɛ blɔ nɛ a tsu ní kaa Yawɛ we osɔfohi.