Mose IV, 35:6 - BAIBLO ALOO NGMAMI KLƆUKLƆU Ɔ

⁶ Nyɛ ma ha Levi bi ɔmɛ ma ekpa nɛ a ngɔ to kaa wesa hehi nɛ nɔ ko ma nyɛ tu fo kɛ ya laa e he ngɛ, ke e li e he be nɛ e nine ya kpa ngɛ nɔ ko nɔ tlukaa a. Jehanɛ, nyɛ ma ha mɛ ma kpa nyingmi eywiɛ kɛ enyɔ.

Mose IV, 35:6 ပူးပေါင်းရင်းမြစ်များ

Yoshua 21:13

A ngɔ ma kpa komɛ hu ngɔ piɛ Hebron kɛ e he lohwe lɛmi zugba amɛ a he ngɔ ha osɔfo Aaron nina. (Hebron ji wesa he ma amɛ a kpɛti kake). Ma kpa amɛ ji Libna,

Yoshua 21:3

Lɔ ɔ he ɔ, kaa bɔ nɛ Yawɛ fa a, Israel bi ɔmɛ ha Levi bi ɔmɛ ma komɛ, kɛ lohwe lɛmi hehi ngɛ mɛ nitsɛmɛ a zugba amɛ a mi.

La 9:9

Yawɛ ji wesa he kɛ ha nihi nɛ a waa mɛ yi mi. Haomi be mi ɔ, e ngɔ lɛ a naa he jɔmi ngɛ.

Yoshua 21:38

Jehanɛ, a ná ma eywiɛ ngɛ Gad zugba a mi. Ma amɛ ji Ramot ngɛ Gilead (wesa he ma amɛ a kpɛti kake), Mahanaim,

Yoshua 21:36

A ná ma eywiɛ ngɛ Ruben bi ɔmɛ a zugba a mi. Ma amɛ ji Bezer, Yahaz,

Yoshua 21:32

A ná ma etɛ ngɛ Naftali zugba a mi. Ma amɛ ji wesa he ma Kedesh nɛ ngɛ Galilea a, Hamot Dor, Kartan, kɛ a he lohwe lɛmi zugbahi.

Yoshua 21:27

Levi bi ɔmɛ a we puɔ nya kake nɛ a tsɛɛ Gershon ɔ na ma enyɔ ngɛ Manase fa a nɛ ngɛ beleku je ɔ zugba a mi. Ma amɛ ji Golan ngɛ Bashan (wesa he ma amɛ a kpɛti kake), kɛ Beeshtera, kɛ a he lohwe lɛmi zugbahi.

Yoshua 21:21

A ha mɛ ma eywiɛ: Shekem (nɛ ji wesa he ma) ngɛ Efraim yo ɔ nɔ, Gezer,

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Yesaya 4:6

E hɛ mi nyami ɔ maa pee hɔ̃ ha ma a piani kɛ tsi pu la a nya, nɛ e maa pee wesa he ngɛ hiɔmi kɛ ahumi be mi.

Mose IV, 35:5

Kɛ je ma a nya a, nyɛ ma susu gugue 500 kɛ ya beleku je, gugue 500 kɛ ya leneyi je, gugue 500 kɛ ya bonyoku je, kɛ gugue 500 kɛ ya omleyi je, nɛ ma a maa hi kpɛti. Enɛ ɔ maa pee lohwehi a lɛmi he kɛ ha ma amɛ.

Mose II, 21:13

Ke e nine ya kpa ngɛ nɔ ɔ nɔ tlukaa, se pi kaa e je blɔ pee ɔ, lɛɛ ma tsɔɔ mo he nɛ e tu fo kɛ ya.