Mose IV, 35:2 - BAIBLO ALOO NGMAMI KLƆUKLƆU Ɔ

² “De Israel bi ɔmɛ ke, weto ní ɔ nɛ a nine su nɔ ɔ, a ha Levi bi ɔmɛ ma amɛ ekomɛ, kɛ a he lohwe lɛmi hehi nɛ mɛ hu a hi lejɛ ɔ.

Mose IV, 35:2 ပူးပေါင်းရင်းမြစ်များ

Ezekiel 48:8

Zugba nɛ tsa Yuda nɔ ɔ nɔ ɔ, á si kɛ fɔ si ha ní tsumi pɔtɛɛ ko. E blimi nɛ pee si tomi kpaanyɔ kɛ fa kɛ je omleyi je kɛ yaa si leneyi je. E kami nɛ pee kaa wɛtso kake zugba kami pɛpɛɛpɛ kɛ je beleku je kɛ ya si bonyoku je.

Mose IV, 35:1

Yawɛ kɛ Mose tu munyu ngɛ Moab nga kplanaa a nɔ, ngɛ Yordan pa a se, ngɛ Yeriko hanɔ; nɛ e de lɛ ke,

Mose IV, 35:3

Ma nɛ ɔmɛ maa pee Levi bi ɔmɛ a sihi he; nɛ zugbahi nɛ bɔle ma amɛ hu maa pee a we mi lohwehi, kɛ a lohwe kpahi a ní yemi he.

Mose V, 18:6

“Levi no saisaa ma nyɛ maa je Israel ma amɛ eko fɛɛ eko mi kɛ ba he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ.

Kronika II, 11:14

Levi bi ɔmɛ je a kɔpe ɔmɛ, kɛ a zugba kpa amɛ a he, nɛ a ba Yuda kɛ Yerusalem, ejakaa Israel matsɛ, Yeroboam kɛ e se yeli ɔmɛ ngmɛ́ mɛ blɔ nɛ a tsu ní kaa Yawɛ we osɔfohi.

Kronika II, 31:19

Osɔfohi nɛ ngɛ mahi nɛ a ngɔ kɛ ha Aaron nina a, kɛ kɔpehi nɛ bɔle jamɛ a ma amɛ a mi ɔ, a hla a ti ni komɛ nɛ a hɛ mi ka si. Mɛ lɛ a dlaa niye ní kɛ haa nyumuhi tsuo ngɛ osɔfohi a weku ɔmɛ a mi, kɛ Levi no tsuaa Levi no nɛ a ngma e biɛ ɔ.

Kronika I, 13:2

Lɔ ɔ se ɔ, e de Israel ma a tsuo ke, “Ke nyɛ kplɛɛ nɔ, nɛ e sa Yawɛ, wa Mawu ɔ hu hɛ mi ɔ, nyɛ ha waa tsɔ ya de wa nyɛmimɛ ɔmɛ nɛ piɛ ngɛ Israel zugba a mi ɔ, kɛ osɔfo ɔmɛ, kɛ Levi bi ɔmɛ ngɛ a ma amɛ a mi, nɛ a kɛ wɔ ba kpe ngɛ hiɛ ɔ.

Nehemia 13:10

I na le hu kaa Mawu we ɔ lali ɔmɛ, kɛ Levi bi kpa amɛ je Yerusalem kɛ ho a ngmɔhi a mi ya; ejakaa niye ní nɛ a to kaa a ha mɛ ɔ, a ha we mɛ.