Mose IV, 35:12 - BAIBLO ALOO NGMAMI KLƆUKLƆU Ɔ

¹² Ma nɛ ɔmɛ maa pee wesa hehi ha nyɛ kɛ maa je muɔ he lue yelɔ ɔ dɛ mi. Ke nɔ ko nine ya kpa ngɛ nɔ ko nɔ tlukaa a, a ko gbe lɛ kɛ yaa si a kɛ lɛ ma ba da ma kpekpemi ɔ hɛ mi, nɛ a maa kojo lɛ lolo.

Mose IV, 35:12 ပူးပေါင်းရင်းမြစ်များ

Mose V, 19:6

Ke wesa he ma kake pɛ nɛ a to ɔ, eko ɔ, lejɛ ɔ maa kɛ tsɔ, nɛ lue yelɔ ɔ nine maa su nɔ ɔ nɔ; nɛ e kɛ mi mi la maa gbe nɔ ko nɛ pee we nɔ́ ko yaka gu. Nyumu nɛ ɔ, e nine nɛ ya kpa ngɛ e nyɛmi ɔ nɔ tlukaa, se pi kaa e to e yi mi kaa e maa pee lɛ yayami ko.

Yoshua 20:9

Wesa he mahi nɛ a hla kɛ ha Israel ma a tsuo, kɛ nibwɔhi nɛ ba to mɛ ɔ ji nɛ ɔmɛ nɛ. Ke e ba mi kaa nɔ ko nine ya kpa ngɛ nɔ ko nɔ ɔ, e ma nyɛ maa tu fo kɛ ya sa we ngɛ ma nɛ ɔmɛ eko mi kɛ he e yi wami kɛ je lue yelɔ ɔ dɛ mi. A be nɔ nɛ ya sa we nɛ ɔ gbee, ja a kojo lɛ ngɛ ma hɛ mi lolo.

Samuel II, 14:7

Amlɔ nɛ ɔ, weku ɔ tsuo te si wo mi nɛ a ngɛ ye nɔ nyɛe ke ma ngɔ ye bi ɔ nɛ tane e nyɛmi ɔ yi ɔ ngɔ ha mɛ nɛ a gbe lɛ kɛ ye e nyɛmi ɔ nɛ e gbe ɔ he lue. Ke a pee ja kɛkɛ a kpata gbosi ní yelɔ ɔ hu hɛ mi; kɛkɛ pe a gbe ye la tso ku nɛ piɛ ngɛ la mi ɔ ji lɔ ɔ nɛ. Lɛɛ tse ye huno biɛ maa laa gbidigbidi; nɛ e nina ko hu be piɛe ngɛ zugba a nɔ.”

Mose IV, 35:19

Nɔ nɛ a gbe ɔ nyɛmi tutuutu ji muɔ he lue yelɔ ɔ nɛ. Be tsuaa be nɛ e maa na nɔ nɛ gbe e nyɛmi ɔ, e gbe lɛ.

Mose IV, 35:13

Nyɛɛ hla ma ekpa kɛ pee wesa he nɛ ɔmɛ,

Mose V, 19:4

Ke nɔ ko gbe nɔ tlukaa nɛ pi e he nyɛlɔ ɔ, e ma nyɛ maa tu fo kɛ ya ma nɛ ɔmɛ eko mi nɛ e ya sa we.

Yoshua 20:2

e de Israel bi ɔmɛ ke, “Nyɛɛ hla wesa he mahi nyɛɛ to kaa bɔ nɛ i fa Mose ke e de nyɛ ke nyɛɛ pee ɔ.