Mose IV, 34:6 - BAIBLO ALOO NGMAMI KLƆUKLƆU Ɔ

⁶ “Nyɛ huzu ɔ ngɛ bonyoku je ɔ maa pee Mediterenia wo ɔ.

Mose IV, 34:6 ပူးပေါင်းရင်းမြစ်များ

Ezekiel 47:20

“Bonyoku je huzu ɔ je Mediterenia wo ɔ nya hluu kɛ ya su Hamat yo kpɛ blɔ ɔ he.

Ezekiel 47:15

“Zugba a we omleyi je huzu ɔ je Mediterenia wo ɔ nya kɛ ya gu Hetlon blɔ kɛ ya gu Hamat yo kpɛ blɔ ɔ, kɛ muɔ Zedad,

Ezekiel 47:10

Kɛ je Engedi pa a nya kɛ yaa si Eneglaim pa a nya tsuo ma hyi kɛ wo hɛli nɛ a ngɛ a yahi kae ngɛ wo ɔ nya. A maa gbe lo slɔɔtoslɔɔtohi babauu ngɛ pa amɛ a mi kaa bɔ nɛ a naa ngɛ Mediterenia wo ɔ nitsɛ mi ɔ.

Yoshua 23:4

I dla weto ní ngɔ ha nyɛ wɛtso ɔmɛ momo. Lɔ ɔ ji je ma amɛ nɛ a yi a nɔ lolo ɔ, kɛ je ma amɛ tsuo nɛ i ye a nɔ momo ɔ a zugba amɛ, kɛ je Yordan pa a nya ngɛ beleku je, kɛ ya su Mediterenia wo ɔ nya ngɛ bonyoku je.

Yoshua 15:47

Ekomɛ ji Ashdod, kɛ Gaza, kɛ a he mahi kɛ kɔpehi, hluu kɛ ya su pa a he ngɛ Egipt huzu ɔ nya, kɛ Mediterenia wo ɔ hu nya.

Yoshua 15:12

Wo nɛ ɔ ji huzu ɔ nɛ ngɛ bonyoku je ɔ nɛ. Yuda wɛtso ɔ huzu ɔmɛ a nya ji nɛ ɔ nɛ. A dla zugba a ngɔ ha mɛ we puɔ nya we puɔ nya.

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.

Yoshua 1:4

Nyɛ huzu maa je nga a nɔ ngɛ leneyi je, kɛ ya su Lebanon ngɛ omleyi je; jehanɛ, kɛ je Yufrate pa a nya ngɛ beleku je, kɛ gu Hit bi ɔmɛ a zugba a mi, kɛ ya ta Mediterenia wo ɔ nya ngɛ bonyoku je tɔɔ.

Mose IV, 34:5

Jehanɛ, huzu ɔ maa dɔ e yi kɛ je Azmon kɛ ba Egipt pa a he, nɛ e nya maa sɛ Mediterenia wo ɔ mi.

Mose IV, 34:7

“Jehanɛ, ke nyɛ wo za kɛ je Mediterenia wo ɔ nya kɛ ya si Hor yo ɔ he ɔ, lɔ ɔ maa pee nyɛ huzu ɔ ngɛ omleyi je.

Mose V, 34:2

Naftali zugba muza a tsuo, Efraim kɛ Manase zugba amɛ, Yuda zugba a tsuo, kɛ ya su bonyoku je ngɛ Mediterenia wo nya tɔɔ,

Yoshua 15:11

Huzu ɔ gba ngɛ yoku ɔ nɛ ngɛ Ekron ɔ we omleyi je ɔ, nɛ e lɔgɔ kɛ ho Shikeron ya; e gu Baala yo ɔ nɔ kɛ ya je Yamnia, nɛ e nya ya pi Mediterenia wo ɔ.