Mose IV, 34:12 - BAIBLO ALOO NGMAMI KLƆUKLƆU Ɔ

¹² Kɛ je lejɛ ɔ, huzu ɔ ma tsa nɔ kɛ nyɛɛ Yordan pa a he, kɛ yaa si e nya maa pi Ngo wo ɔ. “Enɛ ɔ maa pee nyɛ zugba a, kɛ huzu ɔmɛ nɛ bɔle lɛ kɛ kpe ɔ.”

Mose IV, 34:12 ပူးပေါင်းရင်းမြစ်များ

Mose IV, 34:3

Leneyi je zugba a maa je Zin nga a nɔ, kɛ nyɛɛ Edom huzu ɔ nya; nɛ nyɛ huzu ɔ ngɛ leneyi je ɔ maa je Ngo wo ɔ nya, ngɛ beleku je.

Mose I, 14:3

Matsɛmɛ enuɔ nɛ ɔmɛ pee kake, nɛ a ya bua a he nya ngɛ Sidim Kɔ̃ ɔ mi, he nɛ a tsɛɛ ke Ngo Wo amlɔ nɛ ɔ.

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose IV, 34:11

Kɛ je Shefam ɔ, huzu ɔ ma kple si kɛ ya Ribla, ngɛ Ain beleku je, nɛ e maa nyɛɛ ja hluu kɛ ya pi Kineret wo ɔ nya, ngɛ beleku je.

Mose IV, 34:13

Mose de Israel bi ɔmɛ ke, “Zugba a nɛ nyɛ maa fɔ sɔ kɛ dla ha nyɛ he ɔ ji nɛ ɔ nɛ; enɛ ɔ ji zugba a nɛ Yawɛ wo si kaa e maa ngɔ kɛ ha wɛtso nɛɛ kɛ fa amɛ ɔ a nɛ.

Mose II, 23:31

Ma bli o huzu ɔmɛ a mi kɛ je Wo Tsu ɔ nya kɛ ya su Mediterenia wo ɔ nya; jehanɛ hu, kɛ je nga a nɔ kɛ ya pi Yufrate pa a. Ma ngɔ zugba a nɔ bi ɔmɛ kɛ wo o dɛ mi, nɛ o maa fie mɛ kɛ je o blɔ nɔ.

Yoshua 13:1

Jehanɛ, benɛ Yoshua ba bwɔ kotokoto ɔ, Yawɛ de lɛ ke, “O bwɔ lɛɛ, se zugba nɛ piɛ nɛ o maa ngɔ ɔ hiɛ babauu.

Yoshua 15:5

Huzu ɔ nɛ ngɛ beleku je ɔ je Ngo wo ɔ nya kɛ ya su Yordan pa a nya. Huzu ɔ nɛ ngɛ omleyi je ɔ, je wo kɔ̃tɔ̃ ɔ mi he nɛ Yordan pa a kɛ e nya wo Ngo wo ɔ mi ngɛ ɔ. Huzu ɔ nɛ ngɛ omleyi je ɔ ya

Ezekiel 47:13

Nyɔmtsɛ Yawɛ ke, “Nyɛɛ wo huzu nɛ ɔmɛ ha Israel wɛtso nyɔngma kɛ enyɔ ɔmɛ. Ke nyɛ maa dla zugba a mi kɛ ha mɛ ɔ, Yosef ma na ngwɔhe enyɔ.