Mose IV, 33:53 - BAIBLO ALOO NGMAMI KLƆUKLƆU Ɔ

⁵³ Nyɛɛ ngɔ zugba a, nɛ nyɛɛ hi nɔ; ejakaa i ngɔ kɛ ha nyɛ nɛ e pee nyɛ nɔ.

Mose IV, 33:53 ပူးပေါင်းရင်းမြစ်များ

Mose V, 11:31

E su be nɛ nyɛ maa po Yordan pa a, nɛ nyɛ ma ya ngɔ zugba a nɛ Yawɛ, nyɛ Mawu ɔ kɛ ngɛ nyɛ hae ɔ nɛ nyɛɛ hi nɔ. Ke nyɛ ya ngɔ zugba a, nɛ nyɛ ngɛ nɔ ɔ,

Yoshua 21:43

Yawɛ ngɔ zugba a tsuo ngɔ ha Israel bi ɔmɛ kaa bɔ nɛ e ka a nɛmɛ ɔmɛ kita ke e ma ha mɛ ɔ. Benɛ a nine su zugba a nɔ ɔ, a hi lejɛ ɔ.

Mose V, 32:8

Nɔ nɛ ngɛ hiɔwe lokoo ɔ, nɔ nɛ dla zugba a ha je ma amɛ, nɛ e to ma tsuaa ma hi he ɔ, lɛ nɛ e ha je ma tsuaa je ma e mawu.

Mateo 20:15

Anɛ i be he blɔ kaa i kɛ imi nitsɛ ye sika peeɔ nɔ́ nɛ i suɔ lo? Aloo ye mi mi nɛ jɔ ɔ he o hɛngmɛ tsu ngɛ nɛ ɔ?’ ”

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

La 115:16

Hiɔwe ɔ tsuo e nɔ́, se zugba a lɛɛ e ngɔ kɛ ha nimli adesahi.

Mose V, 7:17

“Nyɛ ko de nyɛ he ke, ‘Ni ɔmɛ a he hiɛ pe wɔ, nɛ kɛ wa maa pee kɛ fie mɛ kɛɛ?’

Mose V, 17:14

“Ke nyɛ ya ngɔ zugba a nɛ Yawɛ, nyɛ Mawu ɔ ngɛ nyɛ hae ɔ, nɛ e ba pee nyɛ nɔ ɔ, nyɛ ma de ke nyɛ maa wo matsɛ kaa bɔ nɛ ma amɛ nɛ bɔle nyɛ ɔ tsuo pee ɔ.

Yoshua 23:5

Yawɛ, nyɛ Mawu ɔ ma ha nyɛ he nyɛli ɔmɛ maa gbee senyasenya; nɛ e maa fie mɛ kɛ je nyɛ blɔ mi. Nyɛ maa ngɔ a zugba a kaa bɔ nɛ Yawɛ, nyɛ Mawu ɔ wo nyɛ si ɔ.

Mose I, 15:7

Jehanɛ Yawɛ de Abram ke, “Imi ji Yawɛ nɛ e kɛ mo je Ur ngɛ Babilonia kɛ ba hiɛ ɔ, konɛ ma ngɔ zugba nɛ ɔ ngɔ ha mo ɔ nɛ.”

Mose V, 3:18

“Jamɛ a be ɔ mi nɔuu ɔ, i fa nyɛ ke, ‘Yawɛ, nyɛ Mawu ɔ ngɔ zugba nɛ ɔ ngɔ ha nyɛ kaa nyɛ weto ní. Nyɛ nihi nɛ nyɛ su ta yami ɔ, nyɛɛ mia kɛ ta hwumi ní kɛ nyɛɛ nyɛ nyɛmimɛ Israel wɛtso kpa amɛ a hɛ mi kɛ ya po Yordan pa a, nɛ nyɛɛ piɛ a he nɛ ngɔ a zugba a.

Yoshua 1:6

O he nɛ wa, nɛ o pee kã; ejakaa mo nɛ o maa nyɛɛ ma nɛ ɔ hɛ mi kɛ ya ngɔ zugba a nɛ i ka a nɛmɛ ɔmɛ kita ke i kɛ ma ha mɛ ɔ nɛ.