Mose IV, 33:3 - BAIBLO ALOO NGMAMI KLƆUKLƆU Ɔ

³ Israel bi ɔmɛ je Egipt ngɛ kekleekle nyɔhiɔ ɔ we ligbi nyɔngma kɛ enuɔne nɛ ji kekleekle Hetsɔmi ligbi ɔ we jena nɔ. A kɛ manye hia kɛ je ma nɛ a tsɛɛ Rameses ɔ, ngɛ Egipt bi ɔmɛ tsuo a hɛ mi paa.

Mose IV, 33:3 ပူးပေါင်းရင်းမြစ်များ

Mose II, 14:8

Yawɛ kplii Egipt matsɛ ɔ tsui, nɛ be nɛ Israel bi ɔmɛ yaa kɛ gɛjɛmi ɔ, e fie a se.

Mose II, 13:4

Mwɔnɛ ligbi nɛ ɔ, nyɛ ngɛ hiae kɛ ngɛ Egipt jee ngɛ kekleekle nyɔhiɔ, Abib ɔ mi.

Mose II, 12:37

Israel bi ɔmɛ nyɛɛ nane kɛ je Rameses kɛ ho Sukot ya. Nyumu ɔmɛ kɛkɛ a hiɛmi maa pee akpe lafa ekpa; slo yihi kɛ jokuɛwi.

Mika 2:13

Mawu ma bli blɔ ha mɛ, nɛ e ma je mɛ kɛ je a nyɔguɛ si himi ɔ mi. A maa gu ma agbo ɔmɛ a mi kɛ je kpo, nɛ a maa ye a he. A matsɛ ɔ nɛ ji Yawɛ nitsɛ maa nyɛɛ a hɛ mi.

Yesaya 52:12

Jehanɛ lɛɛ e hia we kaa nyɛ maa ye esɔ kɛ hia blɔ; nyɛ be fo tue kɛ je. Ejakaa Yawɛ, Israel Mawu ɔ maa nyɛɛ nyɛ hɛ mi ngɛ he tsuaa he nɛ nyɛ yaa a, nɛ e maa bu nyɛ he.

La 105:38

Benɛ Israel bi ɔmɛ je ɔ, Egipt bi ɔmɛ na bua jɔmi wawɛɛ nitsɛ; ejakaa a ye Israel bi ɔmɛ gbeye.

Mose II, 12:2

“Nyɔhiɔ nɛ ɔ maa pee kekleekle nyɔhiɔ ngɛ jeha a mi ha nyɛ.

Mose I, 47:11

Jehanɛ, Yosef ha e tsɛ kɛ e nyɛmimɛ ɔmɛ sihi he ngɛ Egipt zugba a nɔ. Kaa bɔ nɛ Farao ɔ fa lɛ Yosef ɔ, e ha mɛ weto ní ngɛ Rameses kasa nya, nɛ ji zugba nɛ hi pe zugba a tsuo.

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose IV, 33:2

Mose ngma hehi nɛ a hia kɛ je ɔ, kɛ hehi nɛ a to si ngɛ ɔ tsuo a biɛ kaa bɔ nɛ Yawɛ fa lɛ ɔ.