Mose IV, 33:2 - BAIBLO ALOO NGMAMI KLƆUKLƆU Ɔ

² Mose ngma hehi nɛ a hia kɛ je ɔ, kɛ hehi nɛ a to si ngɛ ɔ tsuo a biɛ kaa bɔ nɛ Yawɛ fa lɛ ɔ.

Mose IV, 33:2 ပူးပေါင်းရင်းမြစ်များ

Mose II, 17:14

Yawɛ de Mose ke, “Ngmaa nɔ nɛ ɔ kɛ wo womi mi nɛ e pee kaimi nɔ́. Ha nɛ e su Yoshua kaa ma kpata Amalek bi ɔmɛ a hɛ mi, nɛ a be mɛ kaie hu ngɛ zugba a nɔ.”

Mose IV, 10:13

Benɛ Yawɛ fa mɛ kɛ gu Mose nɔ, nɛ a maa hia nyɛɛmi kekleekle ɔ,

Mose IV, 10:6

Ke titimati ɔ pɛ, nɛ a he ose si enyɔne ɔ, ma a nɛ ngɛ omleyi je ɔ maa hia. Be tsuaa be nɛ a maa hia blɔ ɔ, a kpa titimati ɔ, nɛ a he ose.

Mose IV, 33:1

Sane nɛ ɔ gbaa wɔ he slɔɔtohi nɛ Israel bi ɔmɛ to si ngɛ benɛ Mose kɛ Aaron ngɔ mɛ wɛtso nya wɛtso nya kɛ je Egipt ɔ.

Mose IV, 33:3

Israel bi ɔmɛ je Egipt ngɛ kekleekle nyɔhiɔ ɔ we ligbi nyɔngma kɛ enuɔne nɛ ji kekleekle Hetsɔmi ligbi ɔ we jena nɔ. A kɛ manye hia kɛ je ma nɛ a tsɛɛ Rameses ɔ, ngɛ Egipt bi ɔmɛ tsuo a hɛ mi paa.

Mose V, 1:2

Kɛ je Sinai yo ɔ he kɛ gu Edom yo ɔ nɔ kɛ yaa Kadesh Barnea a peeɔ ligbi nyɔngma kɛ kake blɔ nyɛɛmi.

Mose V, 10:11

Jehanɛ, Yawɛ de mi ke, ‘Yaa nɛ o ya nyɛɛ ma a hɛ mi kɛ ya ngɔ zugba a nɛ i ka a nɛmɛ ɔmɛ kita ngɛ he ke ma ngɔ ha mɛ ɔ.’