Mose IV, 33:1 - BAIBLO ALOO NGMAMI KLƆUKLƆU Ɔ

¹ Sane nɛ ɔ gbaa wɔ he slɔɔtohi nɛ Israel bi ɔmɛ to si ngɛ benɛ Mose kɛ Aaron ngɔ mɛ wɛtso nya wɛtso nya kɛ je Egipt ɔ.

Mose IV, 33:1 ပူးပေါင်းရင်းမြစ်များ

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

La 77:20

O ngɔ Mose kɛ Aaron ngɔ to o ma a nya, nɛ o kpaka mɛ kaa to hyɛlɔ tsɔɔ to.

Samuel I, 12:8

Benɛ Yakob kɛ e bimɛ ɔmɛ ya Egipt, nɛ Egipt bi ɔmɛ ngɛ mɛ yi mi wae ɔ, nyɛ nɛmɛ ɔmɛ fa kue ha Yawɛ, nɛ e tsɔ Mose kɛ Aaron nɛ a ya je mɛ kɛ je Egipt kɛ ba hiɛmɛ nɛ ɔ.

Yoshua 24:5

Pee se ɔ, i tsɔ Mose kɛ Aaron Egipt, nɛ i ha haomi nɛ nya wa ba Egipt nɔ. Se nyɛɛ lɛɛ i kpaka nyɛ kɛ je lejɛ ɔ;

Mose II, 13:18

Lɔ ɔ he ɔ, Mawu kpaka mɛ kɛ ya lɔgɔ si kɛ gu nga nɔ blɔ ɔ ngɛ Wo Tsu ɔ he. Israel bi ɔmɛ dla a he kɛ ha ta, benɛ a hia kɛ je Egipt zugba a nɔ ɔ.

Mose II, 12:51

Nɛ jamɛ a ligbi ɔ nɔuu ɔ, Yawɛ je Israel bi ɔmɛ kɛ je Egipt zugba a nɔ wɛtso nya wɛtso nya.

Mose II, 12:37

Israel bi ɔmɛ nyɛɛ nane kɛ je Rameses kɛ ho Sukot ya. Nyumu ɔmɛ kɛkɛ a hiɛmi maa pee akpe lafa ekpa; slo yihi kɛ jokuɛwi.

Mose IV, 33:2

Mose ngma hehi nɛ a hia kɛ je ɔ, kɛ hehi nɛ a to si ngɛ ɔ tsuo a biɛ kaa bɔ nɛ Yawɛ fa lɛ ɔ.

La 105:26

Kɛkɛ nɛ e tsɔ e tsɔlɔ Mose, kɛ Aaron nɛ e hla mɛ ɔ.

Mose II, 6:26

Aaron kɛ Mose nɛ ɔ ji nihi nɛ Yawɛ de mɛ ke a ya nɛ a ya kpaka Israel ma kpekpemi ɔ kɛ je Egipt zugba a nɔ kɛ ba a nɛ.

Mose II, 12:41

Nɛ jeha lafa eywiɛ kɛ nyingmi etɛ ɔ nyagbe ligbi ɔ tutuutu ɔ, Yawɛ tabo ɔmɛ tsuo je Egipt zugba a nɔ.