Mose IV, 32:22 - BAIBLO ALOO NGMAMI KLƆUKLƆU Ɔ

²² nɛ e ma kpɔ zugba a, lɛɛ ke nyɛ kpale nyɛ se kɛ ba a, nyɛ maa ye bemi ngɛ Yawɛ kɛ Israel ma a hɛ mi; nɛ zugba nɛ ɔ maa pee nyɛ blɔ fa mi nɔ́ nɛ Yawɛ ngɔ ha nyɛ.

Mose IV, 32:22 ပူးပေါင်းရင်းမြစ်များ

Yoshua 22:9

Lɔ ɔ he ɔ, Ruben wɛtso ɔ, Gad wɛtso ɔ, kɛ Manase wɛtso fa a kpale kɛ ho a zugba amɛ a nɔ ya. A je Israel bi ɔmɛ nɛ piɛ ɔ a he ngɛ Shilo, ngɛ Kanaan zugba a nɔ, nɛ a pue nɔ kɛ ho mɛ nitsɛmɛ a zugba a nɔ ya, ngɛ Gilead, he nɛ a ngɔ ha mɛ momo ɔ, kaa bɔ nɛ Yawɛ gu Mose nɔ fa mɛ ke a pee ɔ.

Yoshua 22:4

Amlɔ nɛ ɔ, Yawɛ, nyɛ Mawu ɔ ha nyɛ nyɛmimɛ ɔmɛ tue mi jɔmi kaa bɔ nɛ e wo si ɔ. Lɔ ɔ he ɔ, jehanɛ, nyɛɛ kpale kɛ ho zugba a nɛ nyɛ nitsɛmɛ nyɛ ná kaa nyɛ weto ní ɔ nɔ ya. Zugba nɛ ɔ ji nɔ́ nɛ Yawɛ tsɔlɔ Mose ngɔ ha nyɛ ngɛ Yordan pa a beleku je ɔ nɛ.

Mose V, 3:20

Nyɛɛ piɛ nyɛ nyɛmimɛ Israel bi ɔmɛ a he kɛ ya si a maa ngɔ zugba a nɛ Yawɛ ngɛ mɛ hae ngɛ Yordan pa a bonyoku je ɔ; nɛ Yawɛ ma ha mɛ hu a maa hi nɔ kaa bɔ nɛ e pee ha nyɛ ɔ. Lɔ ɔ se loko nyɛɛ kpale kɛ ba zugba nɛ i ngɔ ha nyɛ ɔ nɔ.’

Yoshua 13:8

Yawɛ tsɔlɔ Mose ha Manase wɛtso fa a nɛ piɛ ɔ, Ruben wɛtso ɔ, kɛ Gad wɛtso ɔ a weto ní ngɛ Yordan pa a beleku je momo.

Yoshua 1:15

kɛ yaa su be nɛ mɛ hu a nine maa su zugba a nɛ ngɛ Yordan bonyoku je ɔ nɔ. Zugba nɛ ɔ ji nɔ́ nɛ Yawɛ, nyɛ Mawu ɔ ngɔ ha mɛ ɔ nɛ. Lɔ ɔ se ɔ, nyɛɛ kpale kɛ ba nyɛ nitsɛmɛ nyɛ hi he nɛ ji zugba a nɛ ngɛ Yordan beleku je, nɛ́ Yawɛ tsɔlɔ Mose ngɔ ha nyɛ ɔ nɔ.”

La 78:55

E fie ma je li ɔmɛ kɛ je Israel bi ɔmɛ a blɔ mi. E dla a zugba a ngɔ ha e ma a, nɛ lejɛ ɔ ba pee a weto ní, kɛ a hi he.

Samuel II, 3:28

Pee se benɛ David ba nu sane ɔ he ɔ, e de ke, “Yawɛ le kaa Ner bi Abner muɔ si nɛ a pue nɛ ɔ he musu ko musu ko tloo we i kɛ ye nɔ yemi sisi bi ɔmɛ.

Yoshua 18:1

Benɛ Israel bi ɔmɛ ngɔ zugba a ta a, ma kpekpemi ɔ tsuo ba bua a he nya ngɛ Shilo, nɛ a ma kpe he bo tsu ɔ si ngɛ lejɛ ɔ.

Yoshua 11:23

Yoshua ngɔ zugba mluku ɔ tsuo, kaa bɔ nɛ Yawɛ de Mose ke a pee ɔ pɛpɛɛpɛ. Yoshua dla zugba a ngɔ ha Israel bi ɔmɛ wɛtso nya wɛtso nya kaa a weto ní. Kɛkɛ nɛ ta a se po, nɛ zugba a nɔ jɔ.

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Yoshua 10:30

Yawɛ ngɔ ma nɛ ɔ, kɛ matsɛ ɔ ngɔ wo a dɛ nɛ a gbe mɛ tsuo pɛpɛɛpɛ; a kpata nɔ tsuaa nɔ hɛ mi, nɛ nɔ kake po píɛ. Bɔ nɛ Yoshua pee Yeriko matsɛ ɔ, jã pɛpɛɛpɛ nɛ e pee Libna matsɛ ɔ.

Yoshua 2:19

Nɔ tsuaa nɔ nɛ maa je kpo kɛ je o we ɔ mi, nɛ nɔ́ ko maa pee lɛ ɔ, e gbenɔ ɔ je lɛ nitsɛ e tue gbomi, pi wɔ. Se nɔ tsuaa nɔ nɛ maa hi o ngɔ ngɛ o we ɔ mi ɔ, ke nɔ ko nine ta e he ɔ, e gbenɔ ɔ maa pee wa sane.

Mose III, 14:34

mlaa nɛ ɔmɛ nɛ kɔɔ wehi nɛ a he fu ja a he. Ke Israel bi ɔmɛ ya su zugba a nɛ Yawɛ ngɔ ha mɛ kaa a weto ní ɔ nɔ ɔ, mlaa nɛ sa kaa a ye nɔ ji nɛ ɔ nɛ.

Mose IV, 32:21

nɛ ta buli ɔmɛ tsuo nɛ ngɛ nyɛ kpɛti ɔ maa po Yordan pa a kɛ nyɛɛ Yawɛ hɛ mi kɛ yaa si e maa fie he nyɛli ɔmɛ,