Mose IV, 31:41 - BAIBLO ALOO NGMAMI KLƆUKLƆU Ɔ

⁴¹ Nɛ kaa bɔ nɛ Yawɛ fa Mose ɔ, Mose ngɔ nimli ɔmɛ, kɛ lohwe ɔmɛ nɛ a tsu ɔ ngɔ ha osɔfo Eleazar kaa nike ní klɛdɛɛ ko ha Yawɛ.

Mose IV, 31:41 ပူးပေါင်းရင်းမြစ်များ

Mose IV, 18:19

“Nike ní klɔuklɔu nɛ Israel bi ɔmɛ kɛ ba haa Yawɛ ɔ, i ngɔ mɛ tsuo kɛ ha mo, kɛ o binyumu ɔmɛ, kɛ o biyi ɔmɛ kaa nyɛ blɔ fa mi nɔ nɛ fɔɔ si daa. Nɔ́ nɛ ɔ ji somi ko nɛ i kɛ mo, kɛ o nina so, nɛ a be mi poe gblegbleegble.”

Mose IV, 18:8

Yawɛ de Aaron ke, “O nɛ, imi nitsɛ i ngɔ Israel bi ɔmɛ a nike ní klɛdɛɛ ɔ nɛ a kɛ ba ha mi ɔ kɛ ngɛ o dɛ woe. I ngɔ mɛ kɛ ngɛ mo, kɛ o bimɛ tsuo hae kaa nyɛ blɔ nya nɛ fɔɔ si kɛ yaa neneene.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

Mateo 10:10

Jehanɛ hu, nyɛ ko hɛɛ ní balɔ kotoku, loo hiɔwe tade enyɔ, loo tokota, loo dɛma tso tete; apaatsɛ ɔ, e nya ngma sa lɛ.

Mose IV, 5:9

Jehanɛ se hu, nike ní klɛdɛɛ nɛ Israel bi ɔmɛ maa ngɔ kɛ ba ha Yawɛ ɔ, e maa pee osɔfo ɔ nɔ.

Mose IV, 5:10

Nɔ́ tsuaa nɔ́ nɛ nɔ ko maa ngɔ kɛ ba ha osɔfo ko ɔ, jamɛ a nɔ́ ɔ maa pee osɔfo ɔ nɔ.”

Mose IV, 31:42

Fa a nɛ ji Israel ma a nɔ nɛ Mose he ngɛ ta buli ɔmɛ nɛ ya hwu ta a a dɛ kɛ ha ma kpekpemi ɔ, ji to 337,500, na 36,000, teji 30,500, kɛ yihewi 16,000.

Mose II, 12:28

Israel bi ɔmɛ ho nɛ a ya pee kaa bɔ nɛ Yawɛ de Mose kɛ Aaron ɔ pɛpɛɛpɛ.