Mose IV, 31:30 - BAIBLO ALOO NGMAMI KLƆUKLƆU Ɔ

³⁰ Fa a nɛ ji Israel ma a nɛ piɛ ɔ a nɔ ɔ, nimli, nahi, tejihi tohi, kɛ we mi lohwehi tsuo ɔ, ngɔɔ kakaaka ngɛ nyingmi enuɔ tsuaa nyingmi enuɔ mi kɛ ha Levi bi ɔmɛ nɛ tsuɔ Yawɛ kpe he ɔ he ní ɔ.”

Mose IV, 31:30 ပူးပေါင်းရင်းမြစ်များ

Mose IV, 3:31

Ní tsumi nɛ a tu kɛ wo a dɛ mi ji: ní tsumi tsuaa ní tsumi nɛ kɔɔ somi daka a he, okplɔɔ ɔ, kane tso ɔ, bɔ sami la tɛ ɔmɛ, níhi nɛ osɔfo ɔmɛ kɛ sɔmɔɔ ngɛ he klɔuklɔu ɔ, kɛ tsu mi pomi bo ɔ.

Mose IV, 3:25

Kpe he bo tsu ɔ he níhi nɛ a tu kɛ wo a dɛ mi ji: kpe he ɔ, bo tsu ɔ kɛ e nɔ hami nɔ́ ɔ, bo tsu ɔ sinya a nya bo ɔ,

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

Kolosebi 4:17

Jehanɛ ɔ, nyɛ de Arkipo ke, “Ní tsumi ɔ nɛ a tu ngɔ wo o dɛ ke o tsu ha Nyɔmtsɛ ɔ, hyɛ nɛ o tsu kɛ gbe nya.”

1 Korintobi 4:2

Nɔ́ nɛ a ngɛ hlae ngɛ tsɔli kaa kikɛ nɛ ɔ a dɛ ji kaa a ye anɔkuale ha a nyɔmtsɛ ɔ.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Kronika I, 23:32

A ní tsumi hu ji kaa a hyɛ kpe he bo tsu ɔ, kɛ Yawɛ we ɔ a nɔ, nɛ a piɛ a nyɛmimɛ osɔfo ɔmɛ, nɛ ji Aaron bimɛ ɔmɛ a he kɛ sɔmɔ ngɛ Yawɛ we ɔ.

Mose IV, 31:28

Ta yibu ní ɔ nɛ ji tabo ɔmɛ nɛ ya hwu ta a a blɔ fa mi nɔ ɔ, ngɔɔ eko kɛ ha Yawɛ. Nimli adesahi jio, nahi jio, tejihi jio, tohi jio, Yawɛ nɔ ji lafa enuɔ tsuaa lafa enuɔ mi kake. Ngɔɔ ní nɛ ɔmɛ ngɔ ha osɔfo Eleazar kaa nike ní klɛdɛɛ ha Yawɛ.

Mose IV, 31:31

Mose kɛ osɔfo Eleazar pee bɔ nɛ Yawɛ fa Mose ɔ.

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Mose IV, 8:26

Kɛ je jamɛ a be ɔ kɛ yaa a, a ní tsumi ji kaa a maa piɛ a nyɛmimɛ Levi bi ɔmɛ a he kɛ sɔmɔ ngɛ kpe he bo tsu ɔ mi, se mɛ nitsɛmɛ lɛɛ a be ní tsumi pɔtɛɛ ko tsue. Bɔ nɛ o maa to ní tsumi ɔ he blɔ nya kɛ ha Levi bi ɔmɛ ji nɛ ɔ nɛ.”

Yoshua 9:27

Se kɛ̃ ɔ, e pee mɛ nyɔguɛhi, nɛ a lɛɔ lɛ́, nɛ a yaa pa kɛ haa Israel bi ɔmɛ, kɛ Yawɛ bɔ sami la tɛ ɔ. Kɛ ba si mwɔnɛ ɔ, mɛ nɛ a tsuɔ ní tsumi nɛ ɔ ngɛ he nɛ Yawɛ hla ke a ja lɛ ngɛ ɔ.

Kronika II, 14:15

A ya tua lohwehi a lɛmi he komɛ hulɔ, nɛ a ha tohi kɛ afukpɔngɔhi babauu. Lɔ ɔ se ɔ, a kpale kɛ ba Yerusalem.