Mose IV, 31:3 - BAIBLO ALOO NGMAMI KLƆUKLƆU Ɔ

³ Mose de ma a ke, “Nyɛɛ mia kɛ nyɛ ta yami ní ɔmɛ, nɛ nyɛ ya tua Midian kɛ ye Yawɛ he lue.

Mose IV, 31:3 ပူးပေါင်းရင်းမြစ်များ

Matsɛmɛ II, 10:30

Yawɛ de Yehu ke, “Nɔ́ tsuaa nɔ́ nɛ o pee ɔ sa ye hɛ mi; bɔ nɛ i to nɛ ma pee Ahab we ɔ, ja o pee ɔ nɛ. Enɛ ɔ he ɔ, o bimɛ maa hi Israel matsɛ sɛ ɔ nɔ kɛ yaa si yi nɔ eywiɛne ɔ.”

Matsɛmɛ II, 9:7

O ma kpata o nyɔmtsɛ Ahab we ɔ hɛ mi; nɛ i kɛ nɔ́ nɛ ɔ maa ye ye tsɔli gbali ɔmɛ, kɛ imi Yawɛ, ye tsɔli kpa amɛ tsuo a muɔ nɛ Yezebel pue si ɔ he lue.

Mose II, 17:16

E de ngɔ piɛ he ke, “Yawɛ hɛɛ e we aflangaa a ngɛ e dɛ mi. Yawɛ kɛ Amalek bi ɔmɛ maa hwu kɛ maa ya neneene!”

Yeremia 46:10

Nyɔmtsɛ Yawɛ Tabohiatsɛ ɔ ligbi ɔ ji nɛ ɔ nɛ; mwɔnɛ ligbi nɛ ɔ, Yawɛ maa ye e he lue; mwɔnɛ ligbi nɛ ɔ, e maa gbla e he nyɛli ɔmɛ a tue. Yawɛ klaate ɔ maa pee kaa nɔ ko nɛ ye ní nɛ e tɔ, aloo nɔ ko nɛ nu muɔ nɛ e de kaa dã. Nyɔmtsɛ Yawɛ Tabohiatsɛ ɔ ngɔ e he nyɛli ɔmɛ kɛ ngɛ bɔ sãe ngɛ omleyi je, ngɛ Yufrate pa a tue.

Yeremia 50:28

Ni komɛ tu fo kɛ je Babilonia kɛ ba Yerusalem nɛ a ba bɔ ma a amaniɛ bɔ nɛ Yawɛ ye e he lue ngɛ nɔ́ nɛ Babilonia bi ɔmɛ pee lɛ Yawɛ e we ɔ he.

Mose III, 26:25

Ma ha ta ma ba tua nyɛ; ma ngɔ ta a kɛ gbla nyɛ tue. Ke nyɛ bua nyɛ he nya kɛ laa nyɛ he ngɛ ma amɛ a mi ɔ, ma ha hiɔ nɛ be tsa ba maa sɛ nyɛ kpɛti; ma ngɔ nyɛ ngɔ wo nyɛ he nyɛli ɔmɛ a dɛ mi.

Mose IV, 25:11

“Nɔ́ nɛ Eleazar binyumu Finehas, osɔfo Aaron bibi ɔ pee nɛ ɔ ha nɛ ye mi mi nɛ fu Israel ma a nya ba si. E je hunga ha mi, nɛ enɛ ɔ he je ɔ, i be ye ma a hɛ mi kpatae hu.

Mose IV, 25:13

E maa pee lɛ, kɛ e nina tsuo a nɔ́, nɛ a maa da nɔ kɛ ye osɔfo kɛ maa ya neneene. Ejakaa e kplɛɛ we nɛ nihi kɛ mi nɛ plee nɔ́ he, nɛ nɔ́ nɛ ɔ ha nɛ a kɛ Israel ma a he yayami pa mɛ.”

Mose IV, 31:4

Nyɛɛ hla nyumuhi akpe kɛ je Israel wɛtso tsuaa wɛtso mi kɛ ya ta a.”

Manyadali 5:2

Nyɛ je Yawɛ yi! Israel nikɔtɔma amɛ nyɛɛ ma a hɛ mi, nɛ ma a ngɔ a he ha kɛ bua jɔmi.

Manyadali 5:23

Yawɛ bɔfo ɔ de ke, “Nyɛɛ gbiɛ Meroz; nyɛɛ gbiɛ ma mi bi ɔmɛ wawɛɛ! Ejakaa a bɛ nɛ a ba piɛ Yawɛ he benɛ e kɛ he nyɛli ɔmɛ ngɛ hwue ɔ.”