Mose IV, 31:22 - BAIBLO ALOO NGMAMI KLƆUKLƆU Ɔ

^22-23 Níhi tsuo nɛ la be nyɛe maa sã, kaa sika tsu, sika hiɔ, akɔblee, dade, sanyla, loo sumui ɔ, nyɛɛ ngɔ kɛ wo la mi, konɛ a he nɛ tsɔ. Lɔ ɔ se ɔ, nyɛɛ ngɔ yayami fɔmi nyu ɔ kɛ fɔ a he. Se nɔ́ tsuaa nɔ́ nɛ kɛ la yi ɔ, lɛɛ nyɛɛ kɛ yayami fɔmi nyu ɔ nɛ fɔ he.

Mose IV, 31:22 ပူးပေါင်းရင်းမြစ်များ

Mose IV, 31:21

Osɔfo Eleazar de ta buli ɔmɛ nɛ je ta kɛ ba a ke, “Mlaa nɛ Yawɛ wo Mose ji nɛ ɔ nɛ.

Mose I, 4:22

Zila hu fɔ binyumu; e biɛ ji Tubal Kain. Lɛɛ e kɛ akɔblee kɛ dade sɔɔ níhi. Tubal Kain nyɛmiyo ji Naama.

Mose IV, 31:13

Benɛ ta buli ɔmɛ ma a, Mose, osɔfo Eleazar, kɛ ma nimeli ɔmɛ tsuo ho ya kpee mɛ ngɛ ma sito he ɔ se.

Yoshua 6:19

Sika hiɔ, sika tsu, akɔblee, kɛ dade níhi tsuo lɛɛ a hla kɛ to ha Yawɛ, lɔ ɔ he ɔ, a ngɔ kɛ ba Yawɛ nito he ɔ.”

Yoshua 8:27

Lohwehi kɛ ta yibu níhi pɛ nɛ Israel bi ɔmɛ ha ha a he.

Hiob 28:2

A tsuaa dade ngɛ zu mi, nɛ a sileɔ tɛ, nɛ a jeɔ akɔblee kɛ jeɔ mi.