Mose IV, 31:18 - BAIBLO ALOO NGMAMI KLƆUKLƆU Ɔ

¹⁸ Se yihewi nɛ li nyumu ɔ, mɛɛ lɛɛ nyɛ ha nɛ a yi nɛ na wami, konɛ nyɛɛ ngɔ mɛ.

Mose IV, 31:18 ပူးပေါင်းရင်းမြစ်များ

Yesaya 14:2

Je ma amɛ maa ngɔ Israel bi ɔmɛ kɛ ba zugba nɛ Yawɛ ha mɛ ɔ nɔ ekohu, nɛ a ma ba sɔmɔ mɛ kaa nyɔguɛhi. Nihi nɛ nuu Israel nyɔguɛ sa a, jehanɛ lɛɛ Israel hu maa ye a nɔ.

Mose V, 20:14

Yi ɔmɛ, jokuɛwi ɔmɛ, we mi lohwe ɔmɛ, kɛ níhi tsuo nɛ ngɛ ma a mi ɔ, o ma nyɛ maa ngɔ kɛ pee o nɔ. O he nyɛli ɔmɛ a tabo ɔ mi ní ɔmɛ tsuo maa pee o nɔ́. Yawɛ, o Mawu ɔ nɛ ngɔ ha mo.

Mose III, 25:44

Ke nyɛ ngɛ nyɔguɛ nyumuhi kɛ nyɔguɛ yihi hlae ɔ, nyɛ ma nyɛ ma he mɛ kɛ je mahi nɛ bɔle nyɛ ɔ a mi.

Mose IV, 31:17

Lɔ ɔ he ɔ, nyɛɛ gbe nyumuyo tsuaa nyumuyo, kɛ yo tsuaa yo nɛ le nyumu.

Mose IV, 31:19

Jehanɛ, nyɛ nitsɛmɛ hu nyɛ maa hi ma sito he ɔ se ligbi kpaago. Nyɛ ti nɔ tsuaa nɔ nɛ gbe nɔ ko, aloo e ta nɔ ko nɛ gbo ngɛ ta a mi he ɔ, jamɛ a nɔ ɔ nɛ tsukɔ e he ligbi etɛne ɔ, kɛ ligbi kpaagone ɔ, nyɛɛ kɛ nyɛ nyɔguɛ ɔmɛ tsuo.