Mose IV, 31:16 - BAIBLO ALOO NGMAMI KLƆUKLƆU Ɔ

¹⁶ Nyɛ kai kaa yi nɛ ɔmɛ nɔuu lɛ a ya bu Balaam ga womi tue, nɛ a puɛ Israel bi ɔmɛ a juɛmi, nɛ a kɛ pee yayami kɛ si Yawɛ ngɛ Peor jamɛ a ligbi ɔ nɛ. Enɛ ɔ he je nɛ gbenɔ hiɔ ba Yawɛ ma a nɔ ɔ nɛ.

Mose IV, 31:16 ပူးပေါင်းရင်းမြစ်များ

2 Petro 2:15

A je blɔ tlɔmɔɔ ɔ nɔ, nɛ a laa blɔ kaa bɔ nɛ Beor bi Balaam pee ɔ pɛpɛɛpɛ. Balaam ya di se nami se, nɛ e kɛ pee nɔ́ nɛ dɛ;

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

Yoshua 22:17

Anɛ nyɛ kaii we yayami nɛ wa pee ngɛ Peor, benɛ Yawɛ kɛ gbenɔ hiɔ gbla lɛ nitsɛ e ma a tue ɔ lo? Wa ngɛ nɔ́ nae kɛ mwɔɔ ngɛ jamɛ a yayami ɔ he. Anɛ jamɛ a yayami ɔ pi ha wɔ lo?

Mose V, 4:3

Nyɛ nitsɛmɛ nyɛ na nɔ́ nɛ Yawɛ pee ngɛ Peor yo ɔ he. Nɔ tsuaa nɔ nɛ ya nyɛɛ Baal se ngɛ lejɛ ɔ, Yawɛ, nyɛ Mawu ɔ kpata e hɛ mi.

Mose IV, 24:14

“Lɔ ɔ he ɔ, piɔ lɛɛ i kpale kɛ yaa imi nitsɛ ye ma mi. Se loko ma je ɔ, ma suɔ nɛ ma wo o tue nɔ ngɛ nɔ́ nɛ kikɛmɛ a ma nɛ ɔ maa pee mo nitsɛ o ma mi bi ɔmɛ hwɔɔ se ɔ he.”

Abɛ Womi 23:27

Yo yaholɔ, loo yo nɛ puɛɔ gba ngɛ kaa klama nɛ a tsɔ; e kɛ nɔ yaa gbenɔ mi.

Mose IV, 25:18

ejakaa a gu sisimi blɔ nɔ nɛ a kɛ nyɛ wo haomi mi. A ha nɛ nyɛ ya ja Baal nɛ ngɛ Peor ɔ, nɛ nyɛ kɛ tɔtɔ nyɛ nane. Midian wɛtsoyi ɔ biyo Kozbi, nɔ nɛ a gbe benɛ gbenɔ hiɔ ɔ ngɛ ní tsue ɔ, e sane ɔ yeɔ nɔ́ nɛ ɔ he odase.”

Fiɛlɔ 7:26

Nɔ́ ko hu nɛ i na nɛ dooɔ pe gbenɔ ji yo nɛ e tsui mi ngɛ kaa klama nɛ a tsɔ, aloo ya nɛ a wo nɛ a kɛ maa du nɔ. E nine ngɛ kaa kɔsɔkɔsɔ nɛ a kɛ maa wo nɔ. Nyumu nɛ peeɔ Mawu suɔmi nya ní ɔ maa je e dɛ mi. Se yayami peelɔ lɛɛ yo ɔ nine maa su e nɔ.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Mose IV, 31:8

kɛ Midian matsɛmɛ enuɔ ɔmɛ. Mɛ ji Evi, Rekem, Zur, Hur, kɛ Reba. A gbe Beor binyumu Balaam ɔ hulɔ.