Mose IV, 30:8 - BAIBLO ALOO NGMAMI KLƆUKLƆU Ɔ

⁸ Ke ligbi nɛ e huno ɔ nu he, nɛ e de ke e kplɛɛ we nɔ ɔ, lɛɛ e si womi ɔ, kɛ munyu nɛ e kɛ e nya blɛblɛ tu kɛ fi e he ɔ tsuo maa pee yaka. Ke e ba mi ja a, Yawɛ kɛ e he maa ke lɛ.

Mose IV, 30:8 ပူးပေါင်းရင်းမြစ်များ

Mose I, 3:16

Jehanɛ, e de yo ɔ ke, “Ma ha nɛ o maa na nɔ́ ngɛ o hɔ ngɔmi kɛ o bi fɔmi mi. Se kɛ̃ ɔ, o maa suɔ o huno ɔ, nɛ lɛ nɛ e maa ye o nɔ.”

1 Korintobi 14:34

Ke nyɛ kpe nɛ nyɛ ngɛ Mawu jae ɔ, yi ɔmɛ nɛ a pee dii. A ngmɛ́ mɛ blɔ nɛ a tu munyu, mohu a ba a he si kaa bɔ nɛ Mose mlaa a hu tsɔɔ ɔ.

1 Korintobi 7:4

Yogbayo be he wami ngɛ lɛ nitsɛ e nɔmlɔ tso nɔ; e huno lɛ ngɛ jamɛ a he wami ɔ. Jã kɛ̃ huno hu be he wami ngɛ lɛ nitsɛ e nɔmlɔ tso nɔ; e yo lɛ ngɛ jamɛ a he wami ɔ.

Mose III, 5:4

Ke nɔ ko ka kita nya mi gu kaa e maa pee nɔ́ ko, kpakpa jio, yaya jio, nɛ e li e he be ɔ, ke e ba na le ɔ, e yeɔ fɔ.

Mose IV, 30:5

Se ke ligbi nɛ e tsɛ ɔ nu he, nɛ e de ke e kplɛɛ we nɔ ɔ, lɛɛ e si womi ɔ, kɛ kita nɛ e ka e he ɔ tsuo maa pee yaka. Ke e ba mi ja a, Yawɛ kɛ e he maa ke lɛ; ejakaa e tsɛ lɛ kplɛɛ we nɔ.

Mose IV, 30:7

nɛ lɔ ɔ se e ba gba nɛ e huno ɔ nu he, se e de we lɛ nɔ́ ko ɔ, lɛɛ e si womi ɔ, kɛ kitahi nɛ e ka kɛ fi e he ɔ, e ye lɛ tsuo nɔ.

Mose IV, 30:9

“Yalɔyo, aloo yo nɛ e huno fie lɛ ɔ, lɛɛ e sa kaa e yeɔ e si womi, aloo nɔ́ ko nɛ e pee nɛ e kɛ fi e he ɔ nɔ.

Samuel I, 1:23

E huno Elkana de lɛ ke, “E da; nɔ́ tsuaa nɔ́ nɛ o susu kaa e hi ɔ, moo pee; hii si ngɛ hiɛ ɔ kɛ yaa si o ma tsɔ lɛ nyɔ. Yawɛ nɛ e ha nɛ o pee kaa bɔ nɛ o wo si ɔ.” Lɔ ɔ he ɔ, Hana hi si nɛ e hyɛ e bi ɔ kɛ ya si e tsɔ lɛ nyɔ.

Yeremia 44:19

Yi ɔmɛ de kɛ piɛ he ke, “Jamɛ a be ɔ mi ɔ, tse wa bɔɔ keeki kaa bɔ nɛ hiɔwe manyɛ ɔ su ngɛ ɔ, nɛ́ wa sãã? Tse wa sãã tsopa kɛ e he via kɛ haa hiɔwe manyɛ ɔ, nɛ wa sãã wai bɔ haa lɛ? Anɛ tsa pi wa hunomɛ ɔmɛ a gbi nɔ nɛ wa peeɔ níhi kaa kikɛ nɛ ɔmɛ lo?”