Mose IV, 30:15 - BAIBLO ALOO NGMAMI KLƆUKLƆU Ɔ

¹⁵ Se ke e nu ní nɛ ɔmɛ a he, nɛ be ko se loko e kplɛɛ we nɔ ɔ, lɛɛ yo ɔ musu maa tloo nyumu ɔ.”

Mose IV, 30:15 ပူးပေါင်းရင်းမြစ်များ

Mose III, 5:1

Ke a tsɛ nɔ ko ke e ba ye odase ngɛ sane yemi he, nɛ nɔ ɔ de we nɔ́ nɛ e na, loo e le ngɛ munyu ɔ he ɔ, e pee yayami; a gbla e tue.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Mose IV, 30:12

Se ke ligbi nɛ e huno ɔ nu he ɔ, e kplɛɛ we nɔ ɔ, lɛɛ nɔ́ tsuaa nɔ́ nɛ e kɛ e nya de, nɛ kɔɔ e si womi ɔmɛ a he, kɛ nɔ́ nɛ e kɛ fi lɛ nitsɛ e he ɔ maa pee yaka. Akɛnɛ e huno ɔ ji nɔ nɛ kplɛɛ we nɔ he je ɔ, Yawɛ kɛ e he maa ke lɛ.

Mose IV, 30:8

Ke ligbi nɛ e huno ɔ nu he, nɛ e de ke e kplɛɛ we nɔ ɔ, lɛɛ e si womi ɔ, kɛ munyu nɛ e kɛ e nya blɛblɛ tu kɛ fi e he ɔ tsuo maa pee yaka. Ke e ba mi ja a, Yawɛ kɛ e he maa ke lɛ.

Mose IV, 30:5

Se ke ligbi nɛ e tsɛ ɔ nu he, nɛ e de ke e kplɛɛ we nɔ ɔ, lɛɛ e si womi ɔ, kɛ kita nɛ e ka e he ɔ tsuo maa pee yaka. Ke e ba mi ja a, Yawɛ kɛ e he maa ke lɛ; ejakaa e tsɛ lɛ kplɛɛ we nɔ.

Mose IV, 30:14

Se ke ligbi kake be, nɛ e huno ɔ de we lɛ nɔ́ ko kulaa a, lɛɛ e kplɛɛ e si womi ɔmɛ, kɛ kita amɛ tsuo nɛ e ka e he ɔ a nɔ. Ligbi ɔ nɛ e nu ní ɔmɛ a he, nɛ e de we e yo ɔ nɔ́ ko pɛ, e tsɔɔ kaa e kplɛɛ nɔ.

Mose IV, 30:16

Enɛ ɔmɛ ji si womi he mlaahi nɛ Yawɛ wo Mose, nɛ kɔɔ nyumu kɛ e yo, aloo e bi yiheyo nɛ ngɛ e we ɔ mi ɔ a he.