Mose IV, 30:13 - BAIBLO ALOO NGMAMI KLƆUKLƆU Ɔ

¹³ Si womi, aloo kita ko nɛ e ma ka e he, nɛ́ e kɛ hi ngma kɛ pi e he ɔ, e huno ɔ ngɛ he blɔ nɛ e kplɛɛɔ nɔ, loo e kuaa.

Mose IV, 30:13 ပူးပေါင်းရင်းမြစ်များ

1 Korintobi 11:3

Se i suɔ nɛ nyɛɛ nu sisi kaa Kristo ngɛ he wami ngɛ nyumuhi tsuo a nɔ kaa bɔ nɛ nyumu ji yi kɛ ha e yo, nɛ Mawu hu ji yi kɛ ha Kristo ɔ.

1 Korintobi 11:9

Jehanɛ hu, a bɔɛ nyumu ha we yo, se yo mohu nɛ a bɔ ha nyumu.

Yesaya 58:5

Anɛ hwɔ hami kaa kikɛ nɛ ɔ i ngɛ hlae lo? Anɛ nɔ nitsɛ e he pimi kaa kikɛ nɛ ɔ i suɔ lo? Ke nɔ ko ma e yi si kudɔɔ kaa ngɔwu, nɛ e ngmɛ kpekpe ngɛ la zu mi nɛ e hwɔ nɔ ɔ, enɛ ɔ nyɛ tsɛɔ hwɔ hami ɔ? Enɛ ɔ maa sa ye hɛ mi lo?

La 35:13

Se imi lɛɛ benɛ a be he wami ɔ, i bu kpekpe ya bo. I ha hwɔ nɛ i kɛ wa ye nɔmlɔ tso ɔ yi mi. I fa kue wawɛɛ ngɛ ye yi mi

Ezra 8:21

Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

Mose IV, 29:7

“Nyɔhiɔ nɛ ji kpaago ɔ we ligbi nɛ ji nyɔngma a, nyɛ bua nyɛ he nya nɛ nyɛ ja Mawu. Nyɛɛ ha hwɔ, nɛ nyɛ ko tsu ní tsumi ko.

Mose III, 23:32

Kɛ je nyɔhiɔ ɔ we ligbi nɛ ji nɛɛ ɔ we gbɔkuɛ ke pu nɔ si, kɛ yaa si ligbi nyɔngmane ɔ we gbɔkuɛ ke pu nɔ si ekohu ɔ nɛ pee he jɔɔmi be pɔtɛɛ kɛ ha nyɛ; jamɛ a be ɔ mi ɔ, nyɛɛ ha hwɔ.

Mose III, 23:27

nyɔhiɔ kpaagone ɔ we ligbi nɛ ji nyɔngma a ji kpatami ligbi ɔ nɛ. Jamɛ a ligbi ɔ, nyɛɛ bua nyɛ he nya nɛ nyɛ ja Mawu. Nyɛɛ ha hwɔ, nɛ nyɛɛ sã bɔ nɛ a kɛ la sãã ha Yawɛ.

Mose III, 16:29

Enɛ ɔ maa pee mlaa nɛ fɔɔ si kɛ yaa neneene. Nyɔhiɔ kpaagone ɔ we ligbi nɛ ji nyɔngma a, Israel fɔfɔɛ, kɛ nibwɔhi nɛ ngɛ a kpɛti tsuo maa ha hwɔ, nɛ a be nɔ́ ko nɔ́ ko tsue.

1 Korintobi 7:5

Nyumu kɛ e yo kó tsi a he nya kaa a kɛ a sibi be bɔmi nae. Lɛɛ ja eko ɔ, mɛ ni enyɔ ɔmɛ tsuo a kplɛɛ kaa a maa pee jã be kuku kɛkɛ, konɛ a na deka kɛ sɔle. Lɔ ɔ se ɔ, á bɔni bɔmi ekohu. Ke pi jã a, a be a he nɔ nyɛe maa ye hu, nɛ Satan maa ka mɛ.

Mose IV, 30:12

Se ke ligbi nɛ e huno ɔ nu he ɔ, e kplɛɛ we nɔ ɔ, lɛɛ nɔ́ tsuaa nɔ́ nɛ e kɛ e nya de, nɛ kɔɔ e si womi ɔmɛ a he, kɛ nɔ́ nɛ e kɛ fi lɛ nitsɛ e he ɔ maa pee yaka. Akɛnɛ e huno ɔ ji nɔ nɛ kplɛɛ we nɔ he je ɔ, Yawɛ kɛ e he maa ke lɛ.

Mose IV, 30:14

Se ke ligbi kake be, nɛ e huno ɔ de we lɛ nɔ́ ko kulaa a, lɛɛ e kplɛɛ e si womi ɔmɛ, kɛ kita amɛ tsuo nɛ e ka e he ɔ a nɔ. Ligbi ɔ nɛ e nu ní ɔmɛ a he, nɛ e de we e yo ɔ nɔ́ ko pɛ, e tsɔɔ kaa e kplɛɛ nɔ.