Mose IV, 30:12 - BAIBLO ALOO NGMAMI KLƆUKLƆU Ɔ

¹² Se ke ligbi nɛ e huno ɔ nu he ɔ, e kplɛɛ we nɔ ɔ, lɛɛ nɔ́ tsuaa nɔ́ nɛ e kɛ e nya de, nɛ kɔɔ e si womi ɔmɛ a he, kɛ nɔ́ nɛ e kɛ fi lɛ nitsɛ e he ɔ maa pee yaka. Akɛnɛ e huno ɔ ji nɔ nɛ kplɛɛ we nɔ he je ɔ, Yawɛ kɛ e he maa ke lɛ.

Mose IV, 30:12 ပူးပေါင်းရင်းမြစ်များ

Mose IV, 30:8

Ke ligbi nɛ e huno ɔ nu he, nɛ e de ke e kplɛɛ we nɔ ɔ, lɛɛ e si womi ɔ, kɛ munyu nɛ e kɛ e nya blɛblɛ tu kɛ fi e he ɔ tsuo maa pee yaka. Ke e ba mi ja a, Yawɛ kɛ e he maa ke lɛ.

1 Korintobi 11:3

Se i suɔ nɛ nyɛɛ nu sisi kaa Kristo ngɛ he wami ngɛ nyumuhi tsuo a nɔ kaa bɔ nɛ nyumu ji yi kɛ ha e yo, nɛ Mawu hu ji yi kɛ ha Kristo ɔ.

Mose IV, 30:5

Se ke ligbi nɛ e tsɛ ɔ nu he, nɛ e de ke e kplɛɛ we nɔ ɔ, lɛɛ e si womi ɔ, kɛ kita nɛ e ka e he ɔ tsuo maa pee yaka. Ke e ba mi ja a, Yawɛ kɛ e he maa ke lɛ; ejakaa e tsɛ lɛ kplɛɛ we nɔ.

Mose IV, 15:28

Osɔfo ɔ maa pee kusumi kɛ kpata Yawɛ ha lɛ; nɛ a kɛ e he yayami ɔ maa pa lɛ.

Mose IV, 15:25

Osɔfo ɔ maa da Israel ma kpekpemi ɔ tsuo nane mi, nɛ e maa pee kusumi kɛ kpata Yawɛ. A maa ngɔ a he yayami ɔmɛ ngɔ pa mɛ; ejakaa a li nɛ a pee. Enɛ ɔ he hu lɛ a ngɔ yayami pami bɔ ɔ, kɛ niye ní bɔ ɔ kɛ ba ha Yawɛ kaa a li nɛ a pee.

Mose IV, 30:11

nɛ e huno ɔ nu he, se e de we lɛ nɔ́ ko, nɛ e kua we hulɔ ɔ, lɛɛ e si womi ɔ, kɛ kitahi nɛ e ka nɛ e kɛ fi e he ɔ, e ye lɛ tsuo nɔ.

Mose IV, 30:13

Si womi, aloo kita ko nɛ e ma ka e he, nɛ́ e kɛ hi ngma kɛ pi e he ɔ, e huno ɔ ngɛ he blɔ nɛ e kplɛɛɔ nɔ, loo e kuaa.

Yeremia 44:17

Níhi tsuo nɛ wa de ke wa maa pee ɔ, lɔ ɔmɛ wa maa pee. Wa maa sã tsopa kɛ e he via kɛ ha wa yo mawu ɔ nɛ ji hiɔwe manyɛ ɔ, nɛ wa maa sã wai bɔ ha lɛ kaa bɔ nɛ waa kɛ wa nɛmɛ ɔmɛ, wa matsɛ ɔ, kɛ wa ma nimeli ɔmɛ pee be ko ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ. Jamɛ a be ɔ mi ɔ, wa ngɛ niye ní babauu; wa plɔke, nɛ haomi ko be wa nɔ.

Samuel I, 1:23

E huno Elkana de lɛ ke, “E da; nɔ́ tsuaa nɔ́ nɛ o susu kaa e hi ɔ, moo pee; hii si ngɛ hiɛ ɔ kɛ yaa si o ma tsɔ lɛ nyɔ. Yawɛ nɛ e ha nɛ o pee kaa bɔ nɛ o wo si ɔ.” Lɔ ɔ he ɔ, Hana hi si nɛ e hyɛ e bi ɔ kɛ ya si e tsɔ lɛ nyɔ.

Yeremia 44:19

Yi ɔmɛ de kɛ piɛ he ke, “Jamɛ a be ɔ mi ɔ, tse wa bɔɔ keeki kaa bɔ nɛ hiɔwe manyɛ ɔ su ngɛ ɔ, nɛ́ wa sãã? Tse wa sãã tsopa kɛ e he via kɛ haa hiɔwe manyɛ ɔ, nɛ wa sãã wai bɔ haa lɛ? Anɛ tsa pi wa hunomɛ ɔmɛ a gbi nɔ nɛ wa peeɔ níhi kaa kikɛ nɛ ɔmɛ lo?”