Mose IV, 3:9 - BAIBLO ALOO NGMAMI KLƆUKLƆU Ɔ

⁹ A je blɔ hla Levi bi ɔmɛ ngɛ Israel ma a kpɛti, lɔ ɔ he ɔ, ngɔɔ mɛ kɛ ha Aaron nɛ a sɔmɔ lɛ, kɛ e binyumu ɔmɛ.

Mose IV, 3:9 ပူးပေါင်းရင်းမြစ်များ

Kronika I, 15:2

Lɔ ɔ se ɔ, e de ke, “Levi bi ɔmɛ pɛ ji ni nɛmɛ nɛ maa hɛɛ somi daka a nɛ, ejakaa mɛ Yawɛ hla ke a hɛɛ somi daka a, nɛ a sɔmɔ lɛ, Yawɛ ɔ daa.”

Kronika I, 6:33

Nimli nɛ ɔmɛ, kɛ a nina ji nihi nɛ tsu ní tsumi nɛ ɔ nɛ. Kekleekle lali a kuu ɔ, a nya dalɔ ji Heman. Heman je Kohat weku ɔ mi, nɛ e tsɛ ji Yoel. Bɔ nɛ Heman weku kpa a nyɛɛ senyasenya kɛ ya si Yakob nɔ ji nɛ ɔ nɛ: Heman, Yoel, Samuel,

Ezra 2:43

Mawu we ɔ ní tsuli: Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Shamlai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Asna, Meunim, Nefisim, Bakbuk, Hakufa, Hahur, Bazlut, Mehida, Hasha, Bakos, Sisera, Tema, Nezia kɛ Hatifa.

Ezra 6:18

A to osɔfo ɔmɛ, kɛ Levi bi ɔmɛ ngɛ a we asafo kuu ɔmɛ a nya kɛ ha Mawu we ɔ sɔmɔmi ní tsumi ɔmɛ ngɛ Yerusalem, kaa bɔ nɛ a ngma ngɛ Mose mlaa womi ɔ mi ɔ.

Ezra 8:20

Nimli nɛ ɔmɛ a se ɔ, Mawu we ɔ ní tsuli lafa enyɔ kɛ nyingmi enyɔ hu ba. Matsɛ David kɛ e tsɔli ɔmɛ nɛ a hla nimli nɛ ɔmɛ ngɔ to kaa a piɛ Levi bi ɔmɛ a he kɛ sɔmɔ. Nɛ a wo mɛ tsuo a biɛ ta ngɛ womi ɔ mi.

Mose IV, 16:9

anɛ e pi ha nyɛ kaa Israel Mawu ɔ hla nyɛ kɛ je Israel ma kpekpemi ɔ mi konɛ nyɛɛ ba e ngɔ, nɛ nyɛ ba tsu ní ngɛ Yawɛ kpe he ɔ, nɛ nyɛɛ da ma kpekpemi ɔ nya kaa a sɔmɔli lo?

Mose IV, 18:2

O nyɛmimɛ Levi bi ɔmɛ, nɛ ji o tsɛ weku li ɔmɛ ɔ, ha nɛ mɛ hu a ba piɛ o kɛ o bimɛ ɔmɛ a he, be mi nɛ nyɛ ngɛ sɔmɔe ngɛ bo tsu ɔ mi.

Mose IV, 3:8

Mɛ lɛ a maa hyɛ níhi nɛ ngɛ kpe he bo tsu ɔ he, kɛ e mi tsuo a nɔ, nɛ mɛ lɛ a ma tsu ní ngɛ lejɛ ɔ ngɛ Israel ma a tsuo a nane mi.

Mose IV, 8:14

O maa pee enɛ ɔ kɛ je Levi bi ɔmɛ kɛ je Israel ma a he nɛ a ba pee ye níhi.

Mose IV, 8:16

I ngɔ mɛ ngɔ to bitɛtehi tsuo pɛpɛɛpɛ ngɛ Israel ɔ a nane mi; lɔ ɔ he ɔ, ye níhi ji mɛ.

Mose IV, 8:18

I hla Levi bi ɔmɛ ngɛ Israel bitɛtehi tsuo pɛpɛɛpɛ a nane mi.

Mose IV, 8:19

I ngɔ mɛ ngɔ ha Aaron kɛ e bimɛ ɔmɛ kaa Israel ma a tsuo a nike ní. A ma sɔmɔ ngɛ kpe he bo tsu ɔ mi, nɛ a ma kpata Yawɛ ha ma a, bɔ nɛ pee nɛ ke alini ma a hɛ mɛ kɛ su he klɔuklɔu ɔ he tsɔ ɔ, gbenɔ hiɔ kó sɛ a kpɛti.”

Efesobi 4:11

Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

Efesobi 4:8

Ngmami ɔ ke, “Benɛ e yaa hiɔwe lokoo ɔ, e ngɔ nihi nɛ e nuu nyɔguɛ ɔ kɛ ho; e ha nimli adesahi nike níhi.”