Mose IV, 3:8 - BAIBLO ALOO NGMAMI KLƆUKLƆU Ɔ

⁸ Mɛ lɛ a maa hyɛ níhi nɛ ngɛ kpe he bo tsu ɔ he, kɛ e mi tsuo a nɔ, nɛ mɛ lɛ a ma tsu ní ngɛ lejɛ ɔ ngɛ Israel ma a tsuo a nane mi.

Mose IV, 3:8 ပူးပေါင်းရင်းမြစ်များ

Kronika I, 23:27

Kaa bɔ nɛ David de ngɛ e nyagbe munyu ɔmɛ a mi ɔ, Levi no tsuaa Levi no nɛ ye kɛ je jeha nyingmi enyɔ kɛ yaa pɛ, a kane lɛ.

Kronika II, 29:11

Ye bimɛ! Nyɛ ko puɛ be ko hu. Nyɛ ji nihi nɛ Yawɛ hla nɛ nyɛɛ sã tsopa kɛ e he via kɛ ha lɛ. Yawɛ hla nyɛ nɛ nyɛɛ nyɛɛ ma a hɛ mi kɛ sɔmɔ lɛ.”

Yesaya 52:11

Nyɛ tsuo nyɛ ba be kɛ ho; nyɛɛ je Babilonia! Nyɛ nihi nɛ nyɛ hɛɛ Mawu we ɔ ní klɔuklɔu ɔmɛ, nyɛɛ pee nyɛ he klɔuklɔu; nyɛ ko ta nɔ́ ko nɛ he tsɔ we he.

Mose IV, 10:17

Kɛkɛ nɛ a gbɛ bo tsu ɔ; nɛ Gershon bi ɔmɛ, kɛ Merari bi ɔmɛ nɛ tloo bo tsu ɔ hia nyɛɛmi.

Mose IV, 10:21

Jehanɛ, Kohat bi ɔmɛ nɛ tloo ní klɔuklɔu ɔmɛ hu hia; nɛ benɛ a ke a suu sito he kpa a, a na kaa a kɛ bo tsu ɔ ma si ngɛ lejɛ ɔ momo.

Mose IV, 3:7

A ma sɔmɔ ngɛ kpe he bo tsu ɔ he, nɛ a ma tsu Aaron, kɛ ma a tsuo a ní tsumi ngɛ lejɛ ɔ.

Mose IV, 3:9

A je blɔ hla Levi bi ɔmɛ ngɛ Israel ma a kpɛti, lɔ ɔ he ɔ, ngɔɔ mɛ kɛ ha Aaron nɛ a sɔmɔ lɛ, kɛ e binyumu ɔmɛ.

Mose IV, 31:30

Fa a nɛ ji Israel ma a nɛ piɛ ɔ a nɔ ɔ, nimli, nahi, tejihi tohi, kɛ we mi lohwehi tsuo ɔ, ngɔɔ kakaaka ngɛ nyingmi enuɔ tsuaa nyingmi enuɔ mi kɛ ha Levi bi ɔmɛ nɛ tsuɔ Yawɛ kpe he ɔ he ní ɔ.”

Mose IV, 4:15

Ke be nɛ ma a maa hia kɛ je a sito he ɔ, Aaron kɛ e bimɛ ɔmɛ nɛ a ha ní klɔuklɔu ɔmɛ kɛ a he ní ɔmɛ tsuo a he, loko Kohat bi ɔmɛ nɛ a ba nɛ a ba tloo kɛ ho. Kohat bi ɔmɛ kó ta ní klɔuklɔu ɔmɛ a he, konɛ a ko gbo. Kpe he bo tsu ɔ he níhi nɛ Kohat bi ɔmɛ maa tloo be tsuaa be nɛ ma a maa hia ji nɛ ɔmɛ nɛ.

Mose IV, 4:28

Ní tsumihi nɛ Gershon bi ɔmɛ ma tsu ngɛ kpe he bo tsu ɔ mi ɔ ji nɛ ɔmɛ nɛ, nɛ nɔ nɛ maa hyɛ a nɔ ji osɔfo Aaron bi Itamar.

Mose IV, 4:33

Ní tsumihi nɛ Merari bi ɔmɛ ma tsu ngɛ kpe he bo tsu ɔ mi ji nɛ ɔmɛ nɛ; nɛ nɔ nɛ maa hyɛ a nɔ ji osɔfo Aaron bi Itamar.”