Mose IV, 3:40 - BAIBLO ALOO NGMAMI KLƆUKLƆU Ɔ

^40-41 Yawɛ de Mose ke, “Israel bitɛte ɔmɛ ɔ, ye níhi ji mɛ tsuo pɛpɛɛpɛ. Lɔ ɔ he ɔ, moo kane Israel bitɛte tsuaa bitɛte nɛ ye kɛ je nyɔhiɔ kake kɛ yaa a, nɛ o ngma e biɛ. Se i ngɔ Levi bi ɔmɛ tsuo ngɔ to Israel bitɛte ɔmɛ a nane mi. Imi ji Yawɛ! Jehanɛ se, i ngɔ Levi bi ɔmɛ a we mi lohwehi a kekleekle bi ɔmɛ hu ngɔ to Israel bi ɔmɛ a we mi lohwehi a nane mi.”

Mose IV, 3:40 ပူးပေါင်းရင်းမြစ်များ

Mose IV, 3:15

“Moo kane Levi bi ɔmɛ weku nya weku nya, kɛ we puɔ nya we puɔ nya, nɛ o ngma nyumu tsuaa nyumu nɛ ye kɛ je nyɔhiɔ kake kɛ yaa a e biɛ.”

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.

Hebribi 12:23

Nyɛ ba sɛ bitɛtehi nɛ a ngma a biɛ ngɛ hiɔwe ɔ a kpɛti. Mawu nɛ ji adesahi tsuo a kojolɔ ɔ, kɛ mumihi nɛ hɛɛ nihi nɛ peeɔ nɔ́ nɛ da, nɛ a ha a hi kɛ pi si ɔ, a hɛ mi nyɛ ba nɛ ɔ nɛ.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Yesaya 4:3

Nɔ tsuaa nɔ nɛ maa piɛ ngɛ Yerusalem, nɛ Mawu ma ha e yi ma na wami ɔ, a ma tsɛ lɛ nɔ klɔuklɔu.

La 87:6

Yawɛ maa ngma ni ɔmɛ tsuo a biɛ, nɛ a ma tsɛ mɛ ke Yerusalem ma a mi bi.

Mose IV, 3:45

“Jehanɛ, moo hla Levi bi ɔmɛ ngɔ to ha mi ngɛ Israel bitɛte ɔmɛ tsuo a nane mi, kɛ a we mi lohwehi hu ngɛ Israel bi ɔmɛ a we mi lohwehi tsuo a kekleekle bi ɔmɛ a nane mi. Imi ji Yawɛ!

Mose IV, 3:12

“Jehanɛ, Levi bi ɔmɛ maa pee ye níhi. Benɛ i gbe Egipt bi ɔmɛ a bitɛte ɔmɛ tsuo ɔ, i tsukɔ Israel bi ɔmɛ a bitɛte tsuaa bitɛte, kɛ a lohwehi hu a kekleekle bihi a he kɛ pee ye níhi. Jehanɛ lɛɛ i hla Levi bi ɔmɛ kɛ to Israel bitɛte ɔmɛ a nane mi; a maa pee ye níhi. Imi ji Yawɛ.”