Mose IV, 3:36 - BAIBLO ALOO NGMAMI KLƆUKLƆU Ɔ

³⁶ Ní tsumi nɛ a tu kɛ wo Merari binyumu ɔmɛ a dɛ mi ji ní tsumi tsuaa ní tsumi nɛ kɔɔ kpe he ɔ he plai ɔmɛ, mani ɔmɛ, titima amɛ kɛ a nɔ dami ní ɔmɛ, kɛ a he ní ɔmɛ tsuo a he.

Mose IV, 3:36 ပူးပေါင်းရင်းမြစ်များ

Mose II, 26:37

Ngɔɔ akasia tso enuɔ nɛ a kɛ sika tsu ha a he, kɛ a nya sika tsu gbowehi, nɛ o kɛ pee titimahi ha tsu nya bo ɔ. Jehanɛ hu, moo sɔ̃ akɔblee nɔ dami nɔ́ enuɔ ha tso ɔmɛ.

Mose II, 26:32

Ngɔɔ kɛ kpla akasia tso eywiɛ a he; tso nɛ ɔmɛ ɔ, ngɔɔ sika tsu kɛ ha a he, nɛ a kɛ sika tsu gbowe nɛ kɔ a nya loko a ngɔ mɛ kɛ ma sika hiɔ nɔ dami nɔ́ eywiɛ ɔmɛ a nɔ.

Mose IV, 7:8

nɛ e ha Merari bi ɔmɛ tlɔɔke eywiɛ, kɛ na kpaanyɔ ngɛ mɛ hu a ní tsumi nya. Mɛ tsuo a nɔ hyɛlɔ ji osɔfo Aaron bi Itamar.

Mose II, 39:33

Nɛ a ngɔ kpe he bo tsu ɔ, kɛ e he ní ɔmɛ tsuo kɛ ba Mose ngɔ; e he gbowe ɔmɛ, sima tso ɔmɛ, mani tso ɔmɛ, titima amɛ, kɛ nɔ dami ní ɔmɛ;

Mose II, 36:36

A kɛ akasia tso pee titima eywiɛ kɛ ha tsu mi pomi bo ɔ. A ngɔ sika tsu kɛ ha a he, nɛ a kɛ sika tsu gbowehi hɔ a nya. Jehanɛ, a pee sika hiɔ nɔ dami nɔ́ eywiɛ ha mɛ.

Mose II, 35:18

kpe he bo tsu ɔ he plɛɛko ɔmɛ, piɛ ɔ he plɛɛko ɔmɛ, kɛ a tangme ɔmɛ;

Mose II, 35:11

Kpe he bo tsu ɔ, e he hami ní ɔmɛ, kɛ e nɔ hami ní ɔmɛ, e gbowe ɔmɛ kɛ e sima tso ɔmɛ, e mani tso ɔmɛ, e titima amɛ kɛ e nɔ dami ní ɔmɛ;

Mose IV, 3:35

A nyatsɛ ji Abihail bi Zuriel. Mɛɛ a maa to si ngɛ kpe he ɔ we omleyi je.

Mose IV, 3:37

Mɛ kɛ̃ a ní tsumi ji kue ɔ mi tso ɔmɛ, a nɔ dami ní ɔmɛ, plɛɛko ɔmɛ, kɛ tangme kpa amɛ a nɔ hyɛmi.